Yith 57:18 - JAM DE NHIALIC 2011

¹⁸ “Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Yith 57:18 ပူးပေါင်းရင်းမြစ်များ

Diɛt 23:2

Ee ya tääc në wal tɔ̈c yiic, ee ya wat në pïïu piɛth lɔ̈m.

Diɛt 51:12

Bɛ ë ya pɔ̈k nɔm miɛtëpiɔ̈u de kuɔɔnydu, ku muk ɛn në wëi piath.

Diɛt 94:19

Të cän diɛɛr në ya piɔ̈u, Yïn ee ya muk piɔ̈u abä piɔ̈u miɛt.

Wɛ̈ɛ̈t 9:4

Ku raan ëbɛ̈n, raan rɛ̈ɛ̈r ke kɔc pïïr ade nɔm aŋäth, ka jöŋ cïn naamde ku pïïr aŋuän në köör cï thou.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 19:22

Bɛ̈nydït abï kɔc ke Rip luöi këtuc, ku ëtɛ̈ɛ̈n abï ke tɔ dem. Abïk röt pɔ̈k En, ku abï lɔ̈ŋden piŋ ku tɔ keek dem.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Yith 52:12

Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Yith 53:5

Ku në biäk de awɛ̈ɛ̈ckuɔ acï yiëk guöp bɔ̈ɔ̈t, go dui në biäk de karɛc cuk looi. Wok cï tɔ piɔl gup në këtuc cï guum, wok cï tɔ̈u ë mätic në këtuc cï Yen yök.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Dhek 1:13

Go Bɛ̈nydït tunynhial jam ke yen puɔ̈k nɔm jam piɛth, ku bïï piɔ̈u.

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”