Yith 57:15 - JAM DE NHIALIC 2011

¹⁵ “Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 57:15 ပူးပေါင်းရင်းမြစ်များ

Cäk 21:33

Ago Abraɣam tiim cɔl tamarith com në Biirceba, ku lɛ̈ŋ Bɛ̈nydït ëtɛ̈ɛ̈n, Nhialic tɔ̈u athɛɛr.

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

Jop 22:29

Të ye kɔc kuɔɔr piny aye lueel an, ë ke jɔtë nhial, ku abï Nhialic ke kony.

Jop 6:10

ke yen aduëër a muŋ de piɔ̈ndï ku kaac nhial në miɛtëpiɔ̈u, na cak dɛk arɛɛmdït, Aŋiɛc Bɛ̈nydït aɣeric, yɛn kɛ̈n jamde kɔn dhɔ̈ŋic.

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 115:3

Nhialicda anu paannhial, ee këdɛn kɔɔr looi.

Diɛt 123:1

Bɛ̈nydït ee yïn akaar, yɛn woi tënhial të tɔ̈u ë thöönydu thïn.

Diɛt 138:6

Na cakaa nɔn tɔ̈u Yïn nhial të mec, yïn ee kɔc tɔ̈u piny kony, ku kɔc ee röt lɛɛc acïkï duëër thiaan ë yïn.

Diɛt 138:7

Të cïï nuɛɛn ya gɛɛu cil, Yïn ee yɛn döt apiɛth. Yɛn cïï karɛc ee yök, Yïn ee kɔc ke aterdï göth jɔ̈ɔ̈ny ku gël yɛn ë riɛldu.

Diɛt 147:3

Ee kɔc cï piɔ̈ɔ̈th jiɛth tɔ piɔl gup ku duut bɔ̈ɔ̈tken nyïïn.

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 34:19

Kɔc piɛthpiɔ̈ɔ̈th aye nuɛɛn juëc ke yök, ku aye Bɛ̈nydït ke kony në keek kedhie.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Diɛt 51:19

Ëtɛ̈ɛ̈n Yïn bï piɔ̈u jɔ miɛt në miɔ̈c de piathëpiɔ̈u kekë miɔ̈c ye nyop ëbɛ̈n, ku miöör abï ke nɔ̈k në yïïŋdu nɔm.

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Diɛt 90:2

Ɣɔn kënë kur kɔn cak, ku ɣɔn kënë pinynɔm kɔn bɛ̈n, Yïn ee Nhialic tɔ̈u athɛɛr, ku Yïn bï tɔ̈u aɣet athɛɛr.

Diɛt 93:2

Ɣɔn thɛɛr, gɔlë käŋ Bɛ̈nydït, thöönydu alɔ dïu tëde, ku Yïn aa tɔ̈u ɣɔn kën ë käŋ gɔl.

Diɛt 97:9

Bɛ̈nydït Awärjäŋ, ee Yïn ceŋ pinynɔm ëbɛ̈n, ku Yïn dït aläl awär yiëth kedhie.

Diɛt 99:3

Raan ëbɛ̈n abï dït de rinke bäänyde leec. Yen aɣeric!

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 15:18

Bɛ̈nydït, Yïn aye melik ë caaŋdu.”

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Bɛ̈n 40:35

Go Mothe kɛ̈n bɛ̈n lɔ në paany de mätic në biäk cï luät ye kuöm piny, ku cï dhuëëŋ de Bɛ̈nydït ye thiɔ̈ɔ̈ŋic.

Kɛ̈ŋ 16:19

Rëër de raan kekë kɔc kuanynyïïn, yen aŋuän në luɔi bï yïn aa tek në kake rum wekë kɔc ee röt leec.

Kɛ̈ŋ 8:23

Ee yɛn aa kɔnë cäk gɔl, ɣɔn thɛɛr kënë piny kɔn cak.

Yith 18:4

Go ë Bɛ̈nydït lɛ̈k ɛn an, “Yɛn bï piny lieec ëmääth ke Ya nu paannhial cït man ye thɛ̈c rɔt looi në wɛ̈ɛ̈ric në tuöc ë piny akööl ke tëm, ku cït man ye akɔ̈l riau ë tuöc de aköl.

Yith 33:5

Eeŋö jɔ Bɛ̈nydït dït Aya! Amac këriëëc ëbɛ̈n. Abï Jeruthalem thiɔ̈ɔ̈ŋic në piathëpiɔ̈u ku yic

Yith 40:28

Cïï ŋic? Kɛ̈në piŋ? Bɛ̈nydït ee Nhialic tɔ̈u athɛɛr, ee yen aa cak ë piny thar ëbɛ̈n. Acie dak ku acie bäp. Acïn raan ee täŋde yökic.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Dhiëëu 3:41

Liëpku wopiɔ̈ɔ̈th ku lɛ̈ŋku Nhialic nu paannhial, an,

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Danyel 2:11

Kë kɔɔr yïn melik arilic aläl, acïn raan bï ye luöi yïn, ee yiëth kapäc, ku yiëth acïkï ee ceŋ në kɔc yiic.”

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Jowɛl 2:13

Takï piɔ̈ɔ̈thkuön cï dhuɔɔŋ nyooth dhiën ë piɔ̈u, Rɛ̈t ya wek lupɔɔ rɛt yiic acïï käŋ bï thöl. Puɔ̈kkï röt Bɛ̈nydït Nhialicdun. Në luɔi Yen adhuɛ̈ŋ ee piɔ̈u kok. Acie dap gɔ̈th, ku ee nhiëër agɔk nyuɔɔth, ee kɔc dap päl karɛc ku cïï kɔc lui këtuc.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Luk 1:49

Raan ril ee käŋ lëu acï a luöi kadït, ku rinke ayek rin ɣeric ëgɔk.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Luɔi 3:14

Ee raan ɣeric en acäk rɛɛc, Raan piɛthpiɔ̈u, ku raan cï raan däŋ luc yen acäk lɔ̈ŋ an, bï yiɛ̈n week.

Romai 1:20

Ka ke Nhialic ɣɔn ciɛk ë piny, ka cïï duëërë tïŋ, ka cït riɛldɛn thɛɛr, ku luɔi ee yen Nhialic, kakë aye ke ŋic ëgɔk, aye ke ŋic në ka cï cuëëc. Ku acïn kë bï kek röt kɔ̈c,

2 Kor 1:4

Raan ë wo muk piɔ̈ɔ̈th në ka dhal wook ëbɛ̈n, luɔi bï wo kɔc ŋiëc muk piɔ̈ɔ̈th kɔc cïï këdäŋ dhal, në muŋ cï wo muk piɔ̈ɔ̈th në Nhialic wogup.

2 Kor 2:7

Ku ënɔɔnë aŋuän nɔn bä wek e pɔ̈l, ku jakï muk piɔ̈u, ke raanë cïï tiëël bï dɔm në dït de jiɛth ë yenpiɔ̈u.

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

Nyöŋ 33:27

Nhialic Yen ee we Kony aköölnyïïn, ku ciindɛn athɛɛr yen aye we luök. Ee kɔc ke aterdun cuɔp wei të la wek tueŋ, ku yöök week an riäkkï keek kedhie.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,