Yith 56:11 - JAM DE NHIALIC 2011

¹¹ Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Yith 56:11 ပူးပေါင်းရင်းမြစ်များ

Bɛ̈n 23:3

Duökï ee kuum ke we kuëëny kɔciic të kuööm wek raan kuany nyin.

Wɛ̈ɛ̈t 5:10

Raan ee wëu nhiaar acie kuɛth në keek, ku nhiëër ë kajuëc, acïn kë ye yök thïn. Kënë aya ee ɣɔ̈ric.

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 57:17

Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Ɣodh 4:8

Acamkï awäny de kɔckï kɔ̈u, ka ayek piɔ̈ɔ̈th miɛt të cïï kɔckï wäc.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Kuɛ̈n 22:7

Go röördït ke Mowap mɛ̈tkï në röördït ke Midian ariöp de cäär nööm ku jëlkï, lekkï tëde Balaam. Na wën acïk ɣet tëde Balaam, ke lëkkï ke cïï Balak lɛ̈k en.

Jɔn 8:43

Eeŋö cä wek jamdï ŋic? Ee luɔi cä wek jamdï lëu në pïŋ.

Luɔi 20:29

Aŋiɛc nɔn bï aŋuööth rac lɔ̈ɔ̈k bɛ̈n ë weyiic, të cän jäl, aŋuööth cïï luny bï pɔ̈l.

Luɔi 20:33

Acïn ateek ke raan däŋ cä woi ë yapiɔ̈u, ayï adhääp ayï lupɔde aya.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

Pilipoi 3:2

Yak röt tiit ë jɔ̈k, yak röt tiit ë kɔc ee kërac looi, yak röt tiit ë kɔc ë röt tɔ ye aŋueel.

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

1 Tim 3:8

Ku yen acït täu de kɔc ee ka ke ɣön ë Nhialic looi aya, abïk dhil aa kɔc piɛth nïïm, ku cïkï ee kɔc ee liëp rou, ku cïkï ee kɔc ee mäu juëc kɔɔr, ku cïkï ee wäth ë wëu ke ayäär,

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Bäny 18:20

Kënë acï guuc tɔ mit piɔ̈u. Go tim cï guaŋ nööm kekë yath ku ajïpɔ ku yiëth kɔ̈k, ku jiël ke kɔc.

1 Tham 2:29

Ku eeŋö tɔ yïn tɔ woi miɔ̈c de Bɛ̈nydït në dït ë piɔ̈u, miɔ̈c Ya kɔɔr tëde kɔckï? Eeŋö, Eli, ee yïn mïthku riëëu awär Ɛn, tɔ keek nöm biäk piɛth në miɔ̈c de Bɛ̈nydïtic, miɔ̈c ye kɔckï gäm Ɛn?