Yith 56:10 - JAM DE NHIALIC 2011

¹⁰ Aye lueel an, “Bäny kedhie, wën ee kek duëër kɔckï aa jɔ̈ɔ̈ny, acïk cɔɔr! Acïn kë ŋickï. Acïtkï jɔ̈k ë piny tiit, ku cïkï ye biöu, ayek gäk ke ke dhɔt piny ku jɔkï ya nyuöth. Anhiaarkï nin aläl!

Yith 56:10 ပူးပေါင်းရင်းမြစ်များ

2 Mel 12:6

Ku na ɣɔn aa lɔ run ke Jowac aa thiërrou ku diäk në bäänyic, ku ŋoot bäny kake Nhialic ke ke kën Luaŋdït piir.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 29:9

Mɔ̈mkï nïïm ku gäikï! Caarkï ke we cïï bï bɛ daai! Wiɛɛtkï ke cïn mɔ̈n cäk dek! Yak tuëk ke we kën mɔ̈u tuc dek!

Yith 52:8

Kɔc ee pänydït tiit në ayek wuou në miɛtëpiɔ̈u! Ayek tïŋ në kenyïïn, yen luɔi puk ë Bɛ̈nydït yenɔm Dhiɔn!

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Dhiëëu 4:14

Bäny ke Jeruthalem ayek cath ë paarpaar ë kuɛɛriic cï cɔɔr, acïk riɔk në riɛm ka cïn raan duëër ke jak.

Edhekiɛl 13:16

kek tït wään ee Jeruthalem yɔ̈ɔ̈k an piɛth käŋ ëbɛ̈n, ku käŋ aa ke cïï piɛth ëbɛ̈n!” Bɛ̈nydït Awärjäŋ yen aa jam.

Edhekiɛl 33:6

Ku na cï tïït kɔc ke ater tïŋ ke ke bɔ̈ ku cïï kaaŋ koth, ke kɔc ke ater abïk bɛ̈n bïk kɔc de gup awɛ̈ɛ̈cë bɛ̈n nɔ̈k, ku yɛn bï gääk tääu në tïït yeth në biäk de thon ee kɔckë.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Naɣum 3:18

Yïn meliŋdïït mac wuöt ke Athiriya, bänyku acïk thou, bänyku acïk niin aɣet athɛɛr. Kɔcku acïk riëër në kur nïïm ku cïn raan mɛ̈ɛ̈t keyiic.

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Pilipoi 3:2

Yak röt tiit ë jɔ̈k, yak röt tiit ë kɔc ee kërac looi, yak röt tiit ë kɔc ë röt tɔ ye aŋueel.