Yith 55:8 - JAM DE NHIALIC 2011

⁸ Aye Bɛ̈nydït lueel an, “Täŋdï acïï cït täŋdun,” ku kuɛɛrkiën ke täk awuöckï në kuɛɛrkuön ke täk.

Yith 55:8 ပူးပေါင်းရင်းမြစ်များ

2 Tham 7:19

Ku kënë acie këdït tëde yïn, Bɛ̈nydït Nhialic ku yïn cï yɛn luöi gutguut në biäk de käudï wadäŋ. Kënë acï tɔ tiëŋ, kënë ee lɔ̈ŋ de mɛnh ë raan Bɛ̈nydït Nhialic.

2 Mel 5:11

Go Naaman gɔ̈th ku jiël, lueel an, “Tïŋ, aa ya tak an, bï bɛ̈n bei ku bïï tëde yɛn, ku kɛ̈ɛ̈c, ku cɔɔl rin ke Bɛ̈nydït Nhialicde, ku thɛny e ciin ë tëtök nyin, ku tɔ wɛth dem.”

Jop 35:5

Woi tënhial! Tïŋ luäät mɛcden!

Diɛt 25:10

Kuɛɛr ke Bɛ̈nydït kedhie ee kuɛɛr ke nhiëër agɔk ku piɔ̈n adöt, në baŋ de kɔc ee löŋde döt ku dötkï wëëtde.

Diɛt 33:11

Ku kïït de Bɛ̈nydït ee tɔ̈u anande, ku kë cï cät ee tɔ̈u aɣet athɛɛr.

Diɛt 40:5

Yïn cï kajuëc luöi wook Bɛ̈nydït Nhialicda. Acïn raan cït Yïn! Yïn cï kïït ke gäi juëc luöi wook. Yɛn cïï duëër jam ë biäkden ëbɛ̈n, kuënden adït aläl!

Diɛt 92:5

Bɛ̈nydït, luɔidu adït, ku täŋdu athuth yic!

Kɛ̈ŋ 21:8

Rëër de kɔc awɛ̈ɛ̈c looi aŋɔl, ku rëër de kɔc awai cïn gup awɛ̈ɛ̈c alɔ cit.

Kɛ̈ŋ 25:3

Tän de piɔ̈n ë bɛ̈ny acie yökic acït thuth ë piny kekë mɛc ë tënhial.

Yith 14:24

Go Bɛ̈nydït de rɛm kuëëŋ an, “Kë cä kiëët abï rɔt looi. Kë cä dhel ë Yapiɔ̈u an luɔi abïï looi.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Yith 65:2

Yɛn aaye rɔt guiir ë ceŋ bä kɔckï loor nïïm, kɔc ril nïïm ee awäc looi, ku loikï kakɛn kɔ̈k.

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Edhekiɛl 18:29

Ku aye lueel yïn baai de Yithriɛl an, ‘Kë looi ë Bɛ̈nydït cie yic. Ayak tak kueerdï acie yic, yak tak aya? Ee kueerdun yen cie yic.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”