Yith 55:2 - JAM DE NHIALIC 2011

² Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Yith 55:2 ပူးပေါင်းရင်းမြစ်များ

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Diɛt 34:11

Bäkkï mïth, bäk piɛŋkï kë luɛɛl, wek bä nyuöth riëëu ye Bɛ̈nydït riëëu.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Diɛt 63:5

Piɔ̈ndï ë kuɛth cït man ë kë cam miök ë yuɔɔmic, yɛn bï diɛt ke miɛtëpiɔ̈u kɛ̈t Yïn.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Kɛ̈ŋ 1:33

Ku raan ëbɛ̈n, raan ee kë luɛɛl piŋ, abï rëër ë dïu. Abï kony wëi, ku acïn kë bï ye riääc.”

Kɛ̈ŋ 7:23

agut të bï winh ë dhaŋ ye pïlic. Ku cït din bɛ̈k wïn ë dɛ̈p, ke kuc nɔn yen kë näk en.

Kɛ̈ŋ 8:32

“Ënɔɔnë, piɛŋkï këdï dhuök, athiɛɛi atɔ̈u ke kɔc ee kuɛɛrkï kuanyiic.

Kɛ̈ŋ 9:5

“Bäkï, lak cuɛ̈tkï në rïïŋdɛn cï thaal, ku dɛ̈kkï në mɔ̈n cï dhiim.”

Wɛ̈ɛ̈t 6:2

Raan cï Nhialic gäm kajuëc, ku dhuëëŋ, ka acïn kë bï yen bɛ dak në ka kɔɔr ë yepiɔ̈u ëbɛ̈n, ku akën ë Nhialic gäm riɛl bï yen ke cam, ee raan däŋ yen ee ke cam, kënë ee ɣɔ̈ric, ee këtuc thok arëët.

Yith 1:19

Na lak A lɔ riëëu, ke wek bï kapiɛth bïï piny ke luɔk aa cam.

Yith 10:27

Të lee köölë bɛ̈n, wek bä lony yiëth në riɛl de Athiriya, ku kathieken acïkï bï bɛ aa ka dït thiek ë weyiëth.”

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 46:6

Kɔc ayek athepkɛn ke adhɛ̈p liep thook ku wɛ̈lkï adhɛ̈p piny, ayek atek them në kake thëm. Ayek thɛ̈th riɔp bïï ke thäth yath, na ë lë ke ke gut kenïïm piny ku lamkï!

Yith 51:1

Aye Bɛ̈nydït lueel an, “Piɛŋkï këdï, wek kɔc kɔɔr kuɔɔny, wek kɔc ee luääk kɔɔr tëde yɛn. Takï wenïïm në kuur ë bä wek thïn, të wään wëc ë week bei thïn.

Yith 51:4

“Piɛŋkï kë luɛɛl kɔckï, piɛŋkï kë luɛɛl yɛn cï wëëtdï gäm juöör, lööŋkï abïk keek yiɛ̈n ɣɛɛr.

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Yith 62:8

Bɛ̈nydït acï kuëëŋ në yic ku në riɛlde abïï dhil looi: “anyolkun acïï ke bï bɛ aa kacaam ke kɔc ke aterdun, ku alɛi acïkï mäukun bï bɛ dek.

Yith 62:9

Ku yïn raan ee anyol com ku puur ke yïn bï cam në kuïn cï pam ku lec Bɛ̈nydït. Yïn raan ee enap tiit, yïn abï ke määt yiic, yïn bï mɔ̈u dek në kal de tëdiën ɣeric yic.”

Yith 65:23

Kë bïk aa looi abï ya tiam ku mïthken acïn kërɛɛc bï keek aa yök. Abä ke thieei ku thiɛɛi kuatden ayï akööl bï bɛ̈n kedhie.

Jeremia 12:13

Kɔckï ayek agamɔ com, ku temkï wal, acïk lui aläl, ku acïn kë yek yök ë luɔi yic. Në biäk de agönhdiën tuc, rɛɛpken akënkï luɔk.”

Jeremia 17:24

“Lɛ̈kë kɔckï bïk lööŋkï dhil riëëu kedhie. Acïkï këriëëc thiek ëbɛ̈n bï dhil aa tëëk në kɛ̈l ke pänydït thook kedhie në Thabath yic. Abïk Thabath dhil döt ke ee kööl ɣeric, ku acïn luɔi bïk dhil aa looi thïn liŋliŋ.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 31:14

Yɛn bï bäny ke kake Nhialic tɔ kueth ë kuïïn mit, ku tɔ kɔckï kueth ë ka kɔɔrkï. Acä lueel, Yɛn Bɛ̈nydït.”

Ɣodh 12:1

Eparaim acamkï ɣääriic. Ayek yom de aköl amiäk cop cök ëceŋ. Ku acïk tör ŋuak nyin, ku tɔɔŋ acïk juëc në keyiic. Acïk mät looi në Athiriya ku Rip, ku ayek miök de olip gäm keek kɔk kek keek.

Ɣodh 8:7

Ayek ɣääriic com, ku ee kek temkï. Belken acïnkï nïïm rap, ka acïnkï këcam. Na cakkï luɔk, abï kɔc lei ke cam.

Ɣabakuk 2:13

Juöör cäk peec acïk luɔi looi luɔi cïn kë cïk yök thïn, acïk tiam ku këriëëc cïk looi abï nyop ëbɛ̈n. Ee Yen Bɛ̈nydït de rɛm Yen aloi ee kënë.

Math 15:9

Läm lɛm kek ɛn ee këɣɔ̈ric tei, Na wëët ee kek kɔc wɛ̈ɛ̈t ë lööŋ ke kɔc tei.

Math 22:4

Na wën, ke be lïïm kɔ̈k tooc, lueel an, “Lɛ̈kkï kɔc cï kɔn lɛ̈k thiëëk an, ‘Tiëŋkï, yɛn ë këcamdït guik, miöörkï ku ɣɔ̈kkiën cuai kɔ̈k acï ke nɔ̈k, ku käŋ acïk thök kedhie, bäkï ë thiëëkic!’

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Mak 7:14

Go kut ë kɔc ëbɛ̈n cɔɔl të nu yen, ku jɔ ke yɔ̈ɔ̈k an, “Piɛŋkï këdï week wedhie, ku mɔ̈kkï wepiɔ̈ɔ̈th:

Luk 15:23

Ku jakï miɔɔr a lɔ jöt bɛ̈ɛ̈i bei miɔɔr cuai, ku näkkï, buk cuet, ku jɔku piɔ̈ɔ̈th miɛt!

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Romai 10:17

Yen ka, Gäm abɔ̈ në pïŋ de wël, ku bɔ̈ pïŋ de wël në Kërtho.

Romai 9:31

ku Yithriɛl, kɔc ë ye löŋ dɛ piathëpiɔ̈u cop, akënkï löŋ de piathëpiɔ̈u gïth.

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.