Yith 54:8 - JAM DE NHIALIC 2011

⁸ Yɛn cï rɔt rat wei në agɔ̈th në kaam thiin koor, ku yïn bä nyuöth nhiëërdï aɣet athɛɛr.” Yen kë cïï Bɛ̈nydït lueel ka raan ee yïn kony.

Yith 54:8 ပူးပေါင်းရင်းမြစ်များ

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 103:4

Ku gël a wëi tëde raŋ, ku gëm ɛn göl de nhiëër agɔk kekë kokdepiɔ̈u.

Diɛt 13:1

Bä nɔm jɔ määr në yɛn agut cï nɛn Bɛ̈nydït? Aɣet athɛɛr? Bä rɔt aa thiaan në yɛn aɣet cï nɛn?

Diɛt 27:9

du rɔt thian në yɛn, du awundu pɛ̈l wei. Yïn aaye konydï, du ya nyiëëŋ piny, du ya päl, Nhialic, konydï.

Diɛt 30:5

Agönhde ee guɔ thök ëthiäu, ku piathëpiɔ̈nde ee tɔ̈u në pïïric ëbɛ̈n. Dhiëëu aduëër rɔt cuuth ë wɛ̈ɛ̈ric ëbɛ̈n, ku miɛtëpiɔ̈u ee bɛ̈n adurduur.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 26:20

Kɔckï, lakkï në ɣöötkun yiic, ku thiäkkï ɣöötkun në we kɔ̈ɔ̈th. Thiankï röt në kaam thiin akäŋ aɣet të le agönh ë Nhialic thök.

Yith 40:27

Yïn Yithriɛl, eeŋö ee yïn gööny an kuc Bɛ̈nydït nuandun ku cie diɛɛr të guöm wek në kuöc ciɛɛŋ?

Yith 45:15

Nhialic de Yithriɛl, ee kɔcke kony, yen ee Nhialic ee rɔt thiaan?

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 48:17

Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 54:10

Kur dït ku kur kor aduëërkï kuɛm, ku nhiëërdiën agɔk acïï bï kɔn jäl tëde we, Yɛn bï gutguutdiën de mät muk aɣet athɛɛr.” Yen kë lueel ë Bɛ̈nydït nhiaar week ka.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 60:10

Aye Bɛ̈nydït lɛ̈k kɔc ke Jeruthalem an, “Alɛi abïk pänydu nyɔk në yïk, ku meliikken abïk week luööi. Në agönhdï wek bä luöi këtuc ku ënɔɔnë wek bä guɔ nyuöth nhiëër ku kok de piɔ̈ndï.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 51:5

Yɛn Nhialic, Bɛ̈nydït de rɛm, Yɛn kën Yithriɛl ku Juda nyääŋ piny, cakaa nɔn cï kek Yɛn luöi awäc, Yɛn Nhialic Ɣeric de Yithriɛl.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Ɣabakuk 3:2

“Bɛ̈nydït, yɛn cï ka ɣɔn cï kɔn looi piŋ, ka yɛn ee riɔ̈ɔ̈c dɔm. Ku ënɔɔnë nyɔk kadït ɣɔn cï kɔn looi në aköölkuɔnkë yiic. Ayï agönhdun yic we wook, ke Yï pɛ̈l Yï piɔ̈u piny ku nyuöthë wook kokdepiɔ̈ndu.

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

1 Tim 1:16

ku yen aa yɔ̈k ɛn kokdepiɔ̈u, ee luɔi bï Yecu Kërtho guömdɛn cï dikëdik ëbɛ̈n tɔ tiëc ë yaguöp, yɛn ë raan nu tueŋë, ku luɔi bä yɛn aa raan bï kɔc woi ku dɔmkï täudï yic kek kɔc bï këde gam agokï pïïr athɛɛr yök.