Yith 54:4 - JAM DE NHIALIC 2011

⁴ Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Yith 54:4 ပူးပေါင်းရင်းမြစ်များ

Jop 11:16

Nuandu ëbɛ̈n abï yïn nɔm määr në yen, cït man cïn en raan ee pïïu riŋ wïïr bɛ tak.

Yith 25:8

Ku Bɛ̈nydït Awärjäŋ abï thuɔɔu riɔ̈ɔ̈k aɣet athɛɛr! Abï pïïu wɛɛc wei ë kɔc nyïïn kedhie, raan ëbɛ̈n, ku nyiɛɛi ayär cïï kɔcke nuan ë piny nɔm ëbɛ̈n. Acïï Bɛ̈nydït lueel guöpde!

Yith 29:22

Ku ënɔɔnë Bɛ̈nydït Nhialic de Yithriɛl ɣɔn kony Abraɣam në nuanic, aye lueel an, “Kɔckï wek cïï gup bï bɛ yäär anandun, ku wek cïï wenïïm bï bɛ guöt piny në ayäär.

Yith 4:1

Të le köölë bɛ̈n, diäär kadhorou abïk mony tök dɔm ku lëkkï yen an, “Wok duëër röt cääm ku yök wo kɔ̈ɔ̈th ɣɔ̈ɔ̈c wapäc, ku yïn limku buk aa lueel an yïn ee monyda, në luɔi cïï wok ayär kën ë wo thiaak bï guum.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 50:7

Ku lɛ̈ɛ̈tken acïï ya bï gäm jiɛthëpiɔ̈u në biäk ye Bɛ̈nydït Awärjäŋ ya kony. Guɔ yapiɔ̈u ruut bä ke guum. Aŋiɛc nɔn cän bï yäär,

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Yith 61:7

Ku ayärdun ku riɔ̈ɔ̈cduön ë guöp acïk thök. We bï rëër pinydun, ku kuɛthdun abï ŋuak nyin, miɛtëpiɔ̈ndun abï tɔ̈u aɣet athɛɛr.

Yith 65:16

Raan ëbɛ̈n tɔ̈u ee pinyë raan kɔɔr athiɛɛi, abï aa thieei, në Nhialic Adöt. Raan ee gutguut lueel, ee kuëëŋ në rin ke Nhialic yic. Agööth thɛɛr, abïk lɔ ku märkï kɔc nïïm.”

Jeremia 31:19

Wok cï röt yal wei ë Yïlɔ̈ɔ̈m, ku wok cï röt guɔ lɔ pɔ̈k Yïn. Wën cï Yïn wo luöi këtuc, wok cï wonïïm nɔ̈ɔ̈k nhial ë dhiënëpiɔ̈u. Wok cï gup riɔ̈ɔ̈c ku cuk yäär, në biäk cï wok wäc ke wo kor.’

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Edhekiɛl 16:22

Në akööl wään rëër yïn arac ke yï ye akɔɔrröör, yïn kën yïnɔm kɔn tak në akööl wään ee yïn meth, wään cïn yïn kɔ̈u lupɔ, wään ee yïn dal ë riɛmdu yic.”

Edhekiɛl 16:43

Yïn cï nɔm määr wään mɔ̈k yɛn yïn, ɣɔn koor yïn, ku yïn cï ya tɔ göth në biäk de kakuön cï looi kedhie. Yeka ta yɛn yïn col keek kedhie. Eeŋö yïn kake bal mat në karɛc kɔ̈k cï looi?” Bɛ̈nydït Awärjäŋ yen aa jam.

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Jowɛl 2:21

Du riɔ̈c yïn piny, miɛtëpiɔ̈u ku dɔl arëët, në biäk de kajuëc cï ë Bɛ̈nydït luöi week.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”