Yith 54:3 - JAM DE NHIALIC 2011

³ Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 54:3 ပူးပေါင်းရင်းမြစ်များ

Cäk 26:22

Ku jäl Yithaak ëtɛ̈ɛ̈n le yinh däŋ wec tueŋ. Ku acïn wël cï röt bɛ̈n bɛ lɔ looi në ee yinhë nɔm, go Yithaak ë cäk an, “Nɔm lääu.” Ku lueel an, “Ënɔɔnë, Bɛ̈nydït ë wo jɔ tɔ lääu nïïm an jɔku rëër në ee pinyë, ku wok bï kuɛth aläl eenë.”

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 14:2

Kɔc juëc abïk keek kuɔny ke ke bï lɔ piny cïï Nhialic gäm keek, ku ëtɛ̈ɛ̈n juöör abïk baai de Yithriɛl aa luööi cï lïïm. Ku kɔc wään cï ke kɔn peec, ënɔɔnë abï Yithriɛl ke bɛ peec, ku abïk kɔc wään cï keek kɔn yɔŋ bɛ cieŋ.

Yith 26:15

Bɛ̈nydït Yïn ë jurda kueet, ku tɔ pinyde tɔ dït në tuŋ thook kedhie, ku kënë acï Yïn yiɛ̈n dhuëëŋ.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 48:19

Ku kuatdun aduëër juëc abï ciët liɛɛt de kiir yɔu, ku cït käudu nyïïn ke rap cïï lëu në kuɛ̈n, ku aduëër keet tiit apiɛth, abïï ciën kë bï ke riɔ̈ɔ̈k.”

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 55:5

Ënɔɔnë yïn bï juöör ke pinynɔm cɔɔl, aa e kööl ë kuc kek yïn, ku ënɔɔnë abïk aa bɛ̈n ke ke kɔt bïk röt bɛ̈n mät yïn! Yɛn Bɛ̈nydït Nhialicdun, Nhialic Ɣeric de Yithriɛl, yɛn bï ee kënë tɔ loi rɔt ëbɛ̈n, yïn bä gäm dhuëëŋ ku riëëu.”

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

Romai 10:18

Ku wek thiëëc an, Kɛ̈nkï piŋ? Go an, Ɣɛɛ, ee yic, “Rölden acï thiëi ë piny nɔm ëbɛ̈n, 2 Ku lɔ wëlken guut ë piny thar.”

Romai 11:12

Ku ënɔɔnë, kɔ̈th kɔ̈th kek, të cï en aa kuɛth cï piny tɔ kueth nɔm, ku kuur koor kek, të cï en aa kuɛth cï Juöör tɔ kueth, na piathden, bï kënë wöör ë wär ŋö?

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.