Yith 54:17 - JAM DE NHIALIC 2011

¹⁷ Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Yith 54:17 ပူးပေါင်းရင်းမြစ်များ

Jop 1:11

Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

Jop 2:5

Ënɔɔnthiinë, riɛnyë Yïciin tueŋ da, ku jak yuɔɔmde ku guöpde, abï Yï lat ë Yïnyin”

Jop 42:7

Wën cïï Bɛ̈nydït thök ë jam ke Jop, go lɛ̈k Eliapath an, “Yɛn cï gɔ̈th wo yïn wekë määthku kaarou në biäk kën wek jam në biäkdï në yith cït kueer ë jiɛɛm ë lïmdiën Jop.

Diɛt 32:6

Yen aduëër ë raan cï yï gam ëbɛ̈n Yïn aa lɔ̈ŋ në akööl ke nuan, të bïï amool de riääk ke riŋ, acïï ke bï gïth.

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Diɛt 71:16

Yɛn bï lɔ në riɛl de Bɛ̈nydït Nhialic, ee Yïn Yïtök, Yïn abän piathëpiɔ̈ndu aa leec.

Diɛt 71:19

Piathëpiɔ̈ndu Nhialic, ee ɣet nhial. Yïn cï kadït looi, acïn raan töŋ cït Yïn.

Yith 17:12

Juöör ril bï bɛ̈n piɔ̈t ë Yithriɛl acïk awuööu pɔ̈l cï pïïu ke wɛ̈ɛ̈r, ku cïtkï kuëër de apiöŋ dït.

Yith 26:2

Liɛpkï athïïn ke pänydït ku takkï jur piɛthpiɔ̈u lɔ thïn, jur ye kɔcke yic looi.

Yith 29:8

Juöör cï kenïïm mat ke ke mɛk kuur ë Dhiɔn, abïk ciët raan nɛ̈k cɔk nyuöth ke cäm ku pɛ̈ɛ̈c ke nɛ̈k cɔk, ku cït raan nɛ̈k reu ku nyuöth ke dëk ku pɛ̈ɛ̈c ke cï röl ril wei.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Yith 40:2

Rit kɔc ke Jeruthalem piɔ̈ɔ̈th. lɛ̈kë keek nɔn cïï kek gum arëët të cï bɛ̈ɛ̈r, ku keek ënɔɔnë acï ke päl awɛ̈ɛ̈cken, acä ke luöi këtuc acïn kë cä päl keek në awɛ̈ɛ̈cken yiic kedhie.”

Yith 41:11

“Kɔc göth në week, abïk ayär de tiëm ŋic. Kɔc ee piɔ̈t në week abïk thou

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 50:8

në biäk thiɔ̈k ë Nhialic ke kɔc ku abï ya yök ke ya cïn guöp awäc. De raan duëër ya gaany? Lokku tëde guiëër ë löŋ ëtök! Takkï lueel kakɛn gɛɛny en ɛn!

Yith 50:9

Bɛ̈nydït Awärjäŋ guöpde abï ya kony, ee raan cɔl ŋa duëër a tɔ de guöp awäc? Kɔc gɛɛny yɛn kedhie abïk määr, abïk lɔ riär piny cït lupɔɔ ë ciɛm cɔl.

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 54:15

Na de raan mɛk yïn, cie Yɛn ë looi yen, raan ëbɛ̈n raan ee yïn yiɛ̈n tɔŋ abï löny.

Yith 54:16

“Ee Yɛn ë cak thɛ̈th, raan ee mac thɔ̈ɔ̈c, ku thɛ̈ɛ̈th tɔɔŋ. Ku cak raan ee tɔŋ thɔ̈ɔ̈r aya, raan ee tɔɔŋ muk bï yen ke näk.

Yith 58:14

ke we bï miɛtëpiɔ̈u ee bɛ̈n në luɔidï yic yök. Wek bä tɔ rïïuwë gup ë piny nɔm ëbɛ̈n, ku we bï piɔ̈ɔ̈th miɛt piny cä gäm kuaar Jakop jɔ yök. Acä lueel Yɛn Bɛ̈nydït.”

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Danyel 3:26

Go Nebukadnedhar lɔ në many dɛ̈p thok, ku cööt an, “Cadrak! Mecak! Abenego! Lïïm ke Nhialic Awärjäŋ! Bäkï bei!” Agokï bɛ̈n bei raantök.

Danyel 6:20

Na wën cï en ɣet ee të wën nu ë Danyel ke cöt në riɔ̈ɔ̈c ku jiɛthëpiɔ̈u an, Danyel, lïm de Nhialic pïïr! Cï Nhialic ye luööi ë yïpiɔ̈u ëbɛ̈n yï lëu në kuny ë kɔ̈ɔ̈r thook?

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Romai 10:4

Ku Kërtho yen aye thök de löŋ në këde piathëpiɔ̈u tëde raan ëbɛ̈n raan gäm.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Jocua 24:10

Guɔ jaai, cä lämde piŋ. Na wën, ke puk rɔt thiëi week këpiɛth. Guɔ athiɛɛide piŋ ku luäk we bei në Balak ciin.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

1 Tham 23:17

ago Jɔnathan lueel, an, “Du riɔ̈c, wäär Thaulo acïï yïn bï nɔ̈k. Yïn bï ya melik de Yithriɛl ku yɛn bï lɔ në yïcök, ayï wäär Thaulo aŋic ee kënë.”