Yith 53:4 - JAM DE NHIALIC 2011

⁴ “Ku acï nuan duëër aa këda guum në nyinda yic, arɛɛm ë duëërku yök ë wok. Në aköl kɔ̈k ye wok nuande tak aaye këtuc ë tuuc ë Nhialic en.

Yith 53:4 ပူးပေါင်းရင်းမြစ်များ

Diɛt 69:26

Ayek kɔc cï luöi këtuc yɔŋ, ayek jam në biäk bïï kek, kɔc cï yiëk gup bɔ̈ɔ̈t yɔŋ.

Diɛt 69:27

Muk kuën de karɛcken kedhie, du keek tɔ de nïïm këdäŋ në kuɔɔnydu yic.

Diɛt 69:8

Yɛn cï ciët alei tëde mïthëkɔckï, ku ciët jurdäŋ baaida.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Lebai 16:10

Ku nyɔɔŋ cï lɔc ke ye këde Adhadhel, abïï gäm Bɛ̈nydït ke pïïr ke bïï teem guöp, ku kuɛɛthë wei të lɔ jɔ̈ɔ̈r de Adhadhelic, ago karɛc ke kɔc jat wei.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Math 26:37

Go Petero nööm kekë wɛ̈ɛ̈t ke Dhebedayo kaarou, ku jɔ piɔ̈u dhiau abï piɔ̈u jiɛth arëët.

Math 8:17

ago jam aa yic jam ɣɔn cï lueel ë tiët Yithaya an, “Yen guöp acï tëtöökuɔ nööm, ku acï juɛ̈ikuɔ jɔt.”

Jɔn 19:7

Go Judai bɛ̈ɛ̈r an, “Wok de löŋ, ku në këde löŋë aduëër dhil thou, luɔi cï en rɔt tɔ ye Wën ë Nhialic.”

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.