Yith 53:12 - JAM DE NHIALIC 2011

¹² Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Yith 53:12 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Jop 30:16

Ku ënɔɔnë yɛn ë thiɔ̈k wo thuɔɔu, acïn kë bï arɛɛmdï tɔ lɔ piny,

Diɛt 2:8

Thiëc Ɛn, ku yïn bä gäm juöör ëbɛ̈n, ku piny thar ëbɛ̈n abï aa këdu.

Diɛt 22:14

Riɛldï acï thök, cït pïïu cï piaak piny. Yomkï kedhie acïk nyïïn lääu, Piɔ̈ndï acï lɛ̈ɛ̈ŋ cï man ë pïïu.

Bɛ̈n 15:9

Alueel ë kɔckuɔn ke ater an, ‘Abuk keek kuany cök ku dɔmku keek, wok bï abätɛ̈ɛ̈ukuɔ wɛ̈ɛ̈th bei, ku pecku ka cath në keek kedhie.’

Yith 49:4

Guɔ lueel an, “Yɛn cï luui, ku acïn aŋäth nu ke yɛn! Yɛn cï riɛldï thöl, ku acïn kë cä yök.” Ku yɛn bï ŋoot ke ya ŋäth Bɛ̈nydït bïï yicdï gël, abï yɛn gäm ariöp de kë cä looi.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Yith 53:8

Acï mac ku guiir löŋde ku jɔt ke le nɔ̈k, ku eeŋa në remdɛn ɣɔn yic, duëër e ŋic. Acï tɔ thou në biäk de karɛc ke kɔckuɔ.

Danyel 2:45

Ku acï tïŋ nɔn cï kuur löny nhial ke cïn raan cï ye jak, ku luöi cï yen kë cï käär ë wëëth, ku maläŋ ku tiɔp, ku ateek ku adhääp yup. Nhialic dït alɛ̈k melik kë bï tuöl wadäŋ. Yïn cä lɛ̈k nyuöthdu ë wop, ku lɛ̈k yïn kë lueel ë nyuöth ë yic.

Math 26:42

Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.”

Mak 15:27

Ku jɔkï kɔc piäät kaarou në yen ëtök, kɔc ë käŋ rum, tök ë baŋ cuënyde, ku tök ë baŋ cam.

Mak 15:28

Go këcïgɔ̈ɔ̈r jɔ aa yic, ke ɣɔn cï lueel an, “Acï mat kekë kɔc ee löŋ rɛɛc.”

Luk 22:37

Wek yɔ̈ɔ̈k an, cöökë, cöök cï gɔ̈ɔ̈r në këdï, aŋoot ke bï dhil thök ë yaguöp, cöök cï lueel an, ‘Acï mat kekë kɔc ee löŋ dhɔ̈ŋic ëtök,’ kakï yɛn adekï thökden aya, thök bï kek thök.”

Luk 23:25

Go raan luöny keek, raan wään cï tääu ë alooc yic në baŋ de tɔŋ cï yiɛ̈n miric ku näŋ de raan, raan wën kɔɔrkï, ku jɔ Yecu yiɛ̈n keek, bïk luöi këde piɔ̈nden.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 8:34

Eeŋa bï wo yiëk yiëth gääk? Ee Kërtho raan wään cï thou, yeka, aŋuän bï wok e lueel, an, raan cï bɛ jat nhial, raan nu ë baŋ cuëny de Nhialic, yen aye raan ee lɔ̈ŋ në biäkda aya.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Kolothai 2:15

Ɣɔn cï en bäny yak ayï riɛl, tɔ ke ë ka bï kɔc woi, ago keek thel në tiëm cï en ke tiaam ë yen.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

Ɣeberuu 9:26

Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.

1 Jɔn 2:12

Wek gäär, wek mïththiaakäŋ, ë luɔi cï karɛckun päl week në baŋ de rinke.