Yith 53:10 - JAM DE NHIALIC 2011

¹⁰ Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 53:10 ပူးပေါင်းရင်းမြစ်များ

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 147:11

ee piɔ̈u miɛt kekë kɔc ee yen riëëu, kɔc ee nhiëërdɛn agɔk ŋɔ̈ɔ̈th.

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 21:4

Acï yï lip në pïïr, go gäm en, acï gäm run juëc ke pïïr.

Diɛt 22:30

Kɔc kedhie abïk Bɛ̈nydït luööi wadäŋ, ku abïk rɛm bï bɛ̈n aa guiëër kake Bɛ̈nydït.

Diɛt 22:31

Kɔc ŋoot ke ke kënë dhiëëth abïk kë cïï Nhialic looi piŋ an: “Bɛ̈nydït ee kɔcke kony.”

Diɛt 69:26

Ayek kɔc cï luöi këtuc yɔŋ, ayek jam në biäk bïï kek, kɔc cï yiëk gup bɔ̈ɔ̈t yɔŋ.

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Diɛt 72:7

Tɔ piathëpiɔ̈u dït në akööl ke pïïrde yiic ku tɔ kuɛth tɔ̈u në pɛ̈i yiic ëbɛ̈n.

Diɛt 89:29

Yɛn bï bäänyde tɔ tɔ̈u aɣet athɛɛr, ku thööcde abï tɔ̈u cït täu de paannhial.

Diɛt 89:36

Yen abï nɔm dɛ kuatde ë bääny yic, yɛn bï ciɛɛŋde aa woi në run nyïïn kedhie.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Yith 49:4

Guɔ lueel an, “Yɛn cï luui, ku acïn aŋäth nu ke yɛn! Yɛn cï riɛldï thöl, ku acïn kë cä yök.” Ku yɛn bï ŋoot ke ya ŋäth Bɛ̈nydït bïï yicdï gël, abï yɛn gäm ariöp de kë cä looi.

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 61:9

Abïk dɛk kɛk në juööriic ëbɛ̈n, raan ëbɛ̈n raan lɔ keek tïŋ abïï ŋic nɔn ye kek kɔc cä keek thieei.”

Yith 66:22

“Cït man bï piny cï piac cak ku paannhial cï piac cak tɔ̈u në riɛldï, yen abï kuatdu ku rinkun tɔ̈u aya.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Math 3:17

ku bɔ̈ röl paannhial, röl lueel en an, “Wëndiën nhiaar kï, ee kënë, wën miɛt ɛn piɔ̈u wo yen.”

Luk 1:33

Ku abï aa melik ceŋ dhiën ë Jakop aɣet athɛɛr, ku ciɛɛŋde abï ciën thökde!”

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 12:24

Wek yɔ̈ɔ̈k ëyic an, nyin töŋ de rap të kën en lööny piny, thou, ka rɛ̈ɛ̈r etök: ku na thou, ka jɔ luɔk ë mïth juëc.

Jɔn 13:32

Ku të cï Nhialic gäm dhuëëŋ në yen, ke Nhialic abï Wën ë Raan gäm dhuëëŋ ë yenguöp aya, ku abï dap gäm dhuëëŋ ënɔnthiinë.

Romai 6:9

Aŋicku nɔn cïï Kërtho bï bɛ thou, luɔi cï e guɔ jat nhial ë kɔc cï thou yiic, thuɔɔu acïï ye be aa cieŋ.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Romai 8:8

Yen ka, kɔc ee tɔ̈u ë täu de guöp acïkï Nhialic duëër tɔ mitpiɔ̈u.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Epethiei 1:5

Acï wo kɔn meek ë yepiɔ̈u nɔn bï en wo muk tɔ wook ë wɛ̈ɛ̈t ke yenguöp në Yecu Kërtho, acït man ë miɛt ë yen piɔ̈u,

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

2 Theth 1:11

Yen aye wok cool ë lɔ̈ŋ në biäkdun ë aköölnyïïn kedhie aya, ke Nhialicda bï week tɔ rɔ̈ŋ në cɔ̈t cï we cɔɔl, ago kë ye kɔɔr në piath ë yenpiɔ̈u thöl ëbɛ̈n, ku thöl luɔi de gäm në riɛldït,

Ɣeberuu 2:13

Ku nyɔk në luɛl an, “Nhialic abä ŋɔ̈ɔ̈th.” Ku be lueel an, “Yakï wokë kɔc ë gëm ë Nhialic Ɛn.”

Ɣeberuu 7:27

Acïï köör në ka tueŋ wään ye bäny ke kake Nhialic looi, ayï ka wään ye cool ë nɛ̈kë ke, në këde karɛc ke yenhde ku kakë karɛc ke kɔc, acï rɔt gam raantök, näk në biäk de karɛc ke kɔc.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.