Yith 52:7 - JAM DE NHIALIC 2011

⁷ Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Yith 52:7 ပူးပေါင်းရင်းမြစ်များ

Diɛt 59:13

Riɔ̈ɔ̈r keek në ŋeenydu, riɔ̈ɔ̈r keek taitai. Ago raan ëbɛ̈n jɔ ŋic nɔn mɛc ë Nhialic Yithriɛl, ku riɛlde ee ɣet ë piny thar ëbɛ̈n.

Diɛt 68:11

Të cïï Bɛ̈nydït löŋ tääu piny, diëër juëc ayek thok lɔ luɛɛl:

Diɛt 93:1

Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Diɛt 96:10

Lɛ̈kë juöör ëbɛ̈n an, “Bɛ̈nydït ee Melik! Piny acï tääu tëde ku acïï duëërë nyaai, abï löŋ de kɔc guiir në yic.”

Diɛt 97:1

Pinynɔm jɔ piɔ̈u miɛt! Bɛ̈nydït ee Yen ee Melik! Jakï piɔ̈ɔ̈th miɛt we tuöör nu wïïr!

Diɛt 98:2

Bɛ̈nydït acï tiëmde tɔ ŋic, acï riɛldɛn ë kuɔɔny të ŋic ë juöör.

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Diɛt ke 2:8

Yɛn cï röl de raandiën nhiaar piŋ, abɔ̈ ke riŋ ë kuriic, abɔ̈ ke kɔt ke ret kuriic ke bɔ̈ të nu yɛn.

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 40:9

Dhiɔn, lɔ nhial në kuur bäär nɔm ku luel wëlpiɛth! Dhiɔn, cɔ̈t në röl dït, caalë wëlpiɛth! Luel këriëëc ku du riɔ̈c, lɛ̈kë wuöt ke Juda, nɔn bïï ë Nhialicden!

Yith 41:27

Ee Yɛn Bɛ̈nydït, Yɛn ë kɔn Dhiɔn lɛ̈k wëlpiɛth, Yɛn cï tuuc tuɔɔc Jeruthalem bïï lɔ lueel an, ‘Kɔcku abïkï! Abïk baai!’

Yith 42:11

Takkï jɔ̈ɔ̈r ku pɛ̈ɛ̈nydïtke piɔny Nhialic, takkï bɛ̈i ke Kedar piɔny Yen! Takkï kɔc rɛ̈ɛ̈r në pänydïït de Thela moc kiɛɛu de miɛtëpiɔ̈u, në kur nïïm.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Naɣum 2:1

Yïn mookë piny Ninebe. Gël ɣäänkuön ril ke tɔŋ apiɛth. Tiɛtkï kuɛɛriic ëgɔk! Määtkï tɔŋdun yic ëbɛ̈n! Ke ke bï röt coc!

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Mak 13:10

Ku wëlpiɛth abïï ke dhil kɔn guiëër juöör ëbɛ̈n.

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Luk 2:10

Go tunynhial ke yɔ̈ɔ̈k an, “Duökï riɔ̈c, piɛŋkï, wek guiëër wël piɛth wël ke piɔ̈nmit, wël bï aa ka ke kɔc kedhie.

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Epethiei 6:15

ku ciɛŋkï war ë wecök, wɛɛr ke guiɛɛr de wëlpiɛth ke mät,

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 14:6

Na wën, ke ya tïŋ tunynhial däŋ, ke riŋ ë paannhialic cil, ke cath ke wëlpiɛth thɛɛr bï ke guiëër kɔc rɛ̈ɛ̈r ë piny nɔm, ku guïïr juöör ëbɛ̈n ku dhiën ku liëp ku kɔc ëbɛ̈n,