Yith 52:12 - JAM DE NHIALIC 2011

¹² Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Yith 52:12 ပူးပေါင်းရင်းမြစ်များ

1 Lëk 14:15

Na lɔ awuööu de cök piŋ ke cath ë tiim ke baltham nïïm, ke jɔ keek mak, yɛn bï cath ë yïnɔm tueŋ ke ya bï rem de tɔŋ de Pilithiin lɔ tiaam.”

Bɛ̈n 12:11

Ku dapkï cuet ke we cï röt duöt në kake jäl, tääukï lupɔɔ në wekɔ̈ɔ̈th ku war në wecök, ku thieec në wecin. Në luɔi yen dhuëëŋ ë Winythok bä wek Ɛn door, Yɛn Bɛ̈nydït.

Bɛ̈n 12:33

Go kɔc ke Rip kɔc coc cök an dapkï Yithriɛl tɔ jël pinyden luelkï an, “Të kɛ̈n we ke dap tɔ jël, wo bï thou wodhie.”

Bɛ̈n 12:39

Acï keek bɛ̈n dap guɔ kuɛ̈ɛ̈th bei Rip ke ke kën thät, ku kën awɛɛc guɔ mäth. Gokï kuïn nyuäŋ thaal në awɛɛc awën bïïkï keek Rip.

Bɛ̈n 14:8

Na wën, ke Bɛ̈nydït ë tɔ melik ril nɔm, go kɔc ke Yithriɛl kuany cök, kɔc gël ë Bɛ̈nydït keek.

Yith 26:7

Bɛ̈nydït tɔ kueer de kɔc piɛth lipic, kueer ciɛth kek thïn acï kiëët.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 45:2

“Yɛn në guöpdï, Yɛn bï kueerdu guiir, ku rai kur nïïm piny ayï kur kor. Yɛn bï kɛ̈l cï looi thook në maläŋ dhoŋ, ku dhuɔŋ gɛ̈ɛ̈rgɛ̈ɛ̈rkɛn ke wëëth.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 49:11

“Yɛn bï kueer dït looi në kur kɔ̈ɔ̈th ku guiɛɛr kueer bïï kɔckï cath thïn.

Yith 51:14

Kɔc cï ke mac abïï keek lony, abïk pïïr ë run juëc abïk kacaamkɛn kɔɔrkï aa yök ëbɛ̈n.

Yith 57:18

“Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Yith 58:8

“Ëtɛ̈ɛ̈n dhuëëŋdï abï riau cï run de piny ë wegup, ku bɔ̈ɔ̈tkun abïk dap waar. Piathëpiɔ̈ndun abï aa tɔ̈u wenïïm tueŋ, ku dhuëëŋ de Bɛ̈nydït abï we gël ë ɣään yiic ëbɛ̈n.

Maika 2:13

Bɛ̈nydït abï week liëp kueer, ku wɛt week biic. Ka wek bï jäl lak biic ke we cath në nɔm lääu. Ku Bɛ̈nydït meliŋdun abï lɔ tueŋ në wenïïm, ku wɛt week Yen guöpde.

Kuɛ̈n 10:25

Ku wut biäk de dhiën ë Dan kekë kɔc mät në keek kek aa löök kɔc thïk cök ciëën kedhie, ka ee kek ë gël kɔc kɔ̈ɔ̈th ciëën. Ku Aɣidher wën ë Amicadai yen aaye bɛ̈nydɛn nu në kenïïm.

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

Jocua 4:11

Na wën, acïk wɛɛn lɔŋtui kedhie, ke bäny ke kake Nhialic ɣɛ̈ɛ̈c athänduŋ de mät ë ke lɔ tueŋ, watkï kɔc.

Jocua 6:9

Ku lɔ alathkëër tit kɔc tueŋ në bäny ke kake Nhialic koth kɛŋ nïïm tueŋ, ku lɔ alathkëër tit kɔc kɔ̈ɔ̈th ciëën në athänduŋ de mät cök.

Bäny 4:14

Go Debora lëk Barak an, “Lɔɔr, Bɛ̈nydït awat yïn, ee köölë acï yïn tɔ tiam Thithera. Go Barak jɔ lɔ piny në kuur de Tabor kekë aguum kathiëër ke remdɛn de tɔŋ.