Yith 52:11 - JAM DE NHIALIC 2011

¹¹ Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Yith 52:11 ပူးပေါင်းရင်းမြစ်များ

1 Lëk 15:12

Ku lëk kɔc ke Lebai an, “Wek ee bäny ke dhiën de Lebai. Wakï röt në kɔckuön ke Lebai, ke we bï Athänduŋ de män de Bɛ̈nydït, Nhialic de Yithriɛl lɔ bɛ̈ɛ̈i të cä guiir bïï ë yen tääu thïn.

Bɛ̈n 30:19

Pïïukë abï Aron yecin aa waak, ku wɛɛk en yecök kekë wɛ̈ɛ̈tke

Yith 1:16

Wakkï röt ke we bï ɣɛɛr. Takkï karɛc ya woi ke ke luɔikï kääc ëbɛ̈n. Ɣɛɛ, takkï luɔi de kërac kääc,

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Jeremia 31:21

Loi kït, ku nyoth kueer, be kueer ë jël yïn kɔɔr. Bäkkï ciëën kɔc ke Yithriɛl, bäkkï baai, bäkkï ë wuötkuön cäk nyääŋ piny yiic.

Jeremia 50:8

“Kɔc ke Yithriɛl, katkï ë Babilonia! Nyääŋkï wut piny! Kankï kat tueŋ cï nyök bɔɔth!

Jeremia 51:45

Kɔc ke Yithriɛl, katkï ëtɛ̈ɛ̈n! Katkï bääkï wëikun, në agönhdiën tuc thok.

Jeremia 51:6

Katkï ë Babilonia! Bääkï wëikun! Duökï röt tɔ näk në biäk de awäny de Babilonia. Yɛn guur rɔt ënɔɔnë, ku aluöi keek këtuc rɔ̈ŋ ke keek.

Edhekiɛl 44:23

“Bäny ke kake Nhialic abïk kɔckï dhil aa wɛ̈ɛ̈t në kaam de kaɣer yiic ku ka cïï yiic ɣer, ku kaam de kapiɛth ku kake acuɔl.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Lebai 11:45

Ee yɛn Bɛ̈nydït Raan ë bïï week bei paan ë Rip, ke ya bï aa Nhialicdun. Wek bï yiic dhil ɣɛɛr në luɔi ɣɛɛr Ɛn yic.

Lebai 11:47

Kek lööŋkë, ayek kɔc kuɔny në ŋïny bï kek akeu ŋic, në kaam de lɛ̈n piath ku lɛ̈n cïï piɛth. Ku ayek kɔc kuɔny në luɔi bï kɔc län ye cam ŋic, ku läi kou ke cie cam.

Lebai 21:6

Abïk röt dhil tɔ ɣer ë Nhialic nɔm ku acïkï rin ke Nhialic bï dhil aa läät. Në biäk ye kek miɔ̈c cï looi ë mac gäm Bɛ̈nydït, këcam de Nhialicden, ka abïk yiic dhil ɣɛɛr.

Dhek 2:10

Ku lueel ë Bɛ̈nydït an, “Kiëtkï në miɛtëpiɔ̈u arëët, nyan de Dhiɔn. Yɛn bɔ̈ bä bɛ̈n rëër në weyiic!

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Kuɛ̈n 16:26

Ku lëk akutnɔm de kɔc an, “Jälkï në pɛɛny ke kɔc rɛckë lɔ̈m, wek läŋ keek, ku duökï de ke jakï në kakeniic.

Kuɛ̈n 19:11

Raan ëbɛ̈n, raan cï guöp de raan cï thou jak, abï rëër ke de guöp acuɔl në nïn kadhorou.

Kuɛ̈n 19:16

Ku të cïï raan raan cï nɔ̈k jak roor, ku nɔn ee raan ë thou, ku nɔn cï yuɔɔm de raan jak, ku nɔn ë jak raŋ, raanë abï guöp dɛ acuɔl në nïn kadhorou.

Kuɛ̈n 8:6

Pucë Lebai bei në Yithriɛlic, ku wak keek.

Luɔi 10:14

Go Petero jai an, “Ei, Bɛ̈nydït, kërac ayï kënhiany akɛ̈n ke kɔn cam anandï!”

Luɔi 10:28

Go keek yɔ̈ɔ̈k an, “Aŋiɛckï nɔn rɛɛc en, të mɛ̈të raan ë Judai kekë raan ë jur däŋ, ayï të neem en en, ku yɛn cïï Nhialic nyuööth an, cä raan däŋ bï tɔ rac ku ta nhiany.

Romai 14:14

Cöök ŋiɛc kï, acä cök ë ŋiɛc ɛn en ëgɔk ë Bɛ̈nydït Yecu yic an, acïn kën ee rac etök, ku raan ë tɔ këdäŋ rac, ke jɔ rac tëde yen.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

Nyuuth 18:4

Guɔ röl däŋ ë raan piŋ, röl bɔ̈ paannhial, lueel en, an: “Bäkï bei thïn, wek kɔckï! Ke we cïï bï mat në yen ëtök në karɛcke, ke we bï liu ë kakɛn riäk en yiic!