Yith 51:9 - JAM DE NHIALIC 2011

⁹ Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

Yith 51:9 ပူးပေါင်းရင်းမြစ်များ

Jop 26:12

Ee riɛlde yen aa tiɛɛm En baardït de pïïu ku riëëk ŋuäldïït cɔl Raɣap wïïr në pɛlënɔmde.

Jop 9:13

Nhialic acïï agönhde ë pɔ̈lic, ayï kɔc ee ŋuäldïït wïïr cɔl Raɣap luööi, ayek kenïïm guöt piny ë Yecök.

Diɛt 21:13

Yïn lecku Bɛ̈nydït, në riɛlduön dït, Yïn buk leec në diɛt në biäk de riɛldu.

Diɛt 44:1

Acuk piŋ në wo yïth, Nhialic, acï wärkuɔ lɛ̈k wo, acïk wo lɛ̈k kagɛ̈iyë cï looi në aköölken yiic, akööl ɣɔn thɛɛr:

Diɛt 44:2

Yïn ë juöör kuaath wei në ciindu ku com kɔcku pinyden, Yïn cï juöör riɔ̈ɔ̈k, ku tɔ kɔcku lok.

Diɛt 44:23

Pääcë, Bɛ̈nydït! Eeŋö ee Yïn niin? Jɔt rɔt! Du wo rɛɛc aɣet athɛɛr.

Diɛt 44:24

Eeŋö ee Yïn thiaan në wook? Du nɔm mär në nuanda kekë yaaŋ yɔŋë wook!

Diɛt 59:4

acie baŋ de awänydï Bɛ̈nydït, yen le kek në ɣäänken yiic.

Diɛt 7:6

Yïn Bɛ̈nydït jɔt rɔt! Kääcë nhial ke Yï cï gɔ̈th, ku riäk tuöc ë piɔ̈u de kɔc ke aterdï, Jɔt rɔt ku kony ɛn, Ee yic yen ye kɔɔr,

Diɛt 77:5

Yɛn ee nïn cï tɛ̈ɛ̈k tak, ku tak run cï lɔ ɣɔn thɛɛr.

Diɛt 78:65

Na wën ke Bɛ̈nydït ë jɔt rɔt cït man ë kë nin, aa cït mony ril cï mɔ̈u tɔ mitpiɔ̈u.

Diɛt 87:4

Yɛn bï Rip kekë Babilon tääu thïn ku kɔc ke Pilithiin kekë Tayer ku kɔc ke Kuc, abä keek kuɛɛn ë kɔc ceŋ Jeruthalemic të la Yɛn juöör ee Yɛn riëëu gɔ̈ɔ̈r rin.

Diɛt 89:10

Yïn cï aciëŋ cɔl Raɣap duöm piny ku näk, në riɛlduön dït Yïn cï kɔc ke aterdu tiaam

Diɛt 89:11

Paannhial kekë piny ayek kaku, ku cak këriëëc nu ë pinynɔm ëbɛ̈n.

Diɛt 93:1

Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Yith 30:7

Kuɔɔny ye Rip gam acïn naamde. Ka Rip acä cäk an, ‘Ŋuäl cïn kë lëu.”’

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Yith 62:8

Bɛ̈nydït acï kuëëŋ në yic ku në riɛlde abïï dhil looi: “anyolkun acïï ke bï bɛ aa kacaam ke kɔc ke aterdun, ku alɛi acïkï mäukun bï bɛ dek.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Maika 7:15

Abä keek nyuöth kake gäi, cït man ɣɔn kan Ɛn ke looi ɣɔn jël kek ë Rip.

Ɣabakuk 2:19

Amawoou në week, wek kɔc ee tiim ku kur cäk guaŋ yɔ̈ɔ̈k an, “Pääckï jatkï röt. Duëër yanh ë guaŋ jam ke week? Na cak kɔc ke deer kɔ̈ɔ̈th në ateek ku adhääp, ka cïn kë duëërkï lueel ku cïkï pïïr.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Dhek 10:11

Wadäŋ të teem wɛ̈ɛ̈r de katuc, yɛn bï apiöök yupic, yɛn Bɛ̈nydït, ku Kiir abï dëu taitai. Lɛc de Athiriya abï kuɔɔr piny, ku nyiɛɛi yë riɛl de Rip.

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.

Luk 1:51

Acï këril looi ë köŋde, Acï kɔc thiɔ̈i kɔc ë röt tɔ dït në täŋ yek tak ë kepiɔ̈ɔ̈th.

Jɔn 12:38

luɔi bï jam ë tiët Yithaya aa yic, jam ɣɔn lueel an, “Bɛ̈nydït, eeŋa ë jamda gam? Ku eeŋa cï nyuöth köŋ de Bɛ̈nydït?”

Luɔi 7:7

Ku lueel Nhialic aya an, Jur ë tɔ keek ee lïïm, abä tɔ yök këdɛn tuc: na miäk, ka bïk bɛ̈n bei, bïk a bɛ̈n lam ee tënë.’

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyuuth 11:17

ku luelkï, an, “Thieithieei, yïn Nhialic Bɛ̈nydït, Bɛ̈ny ë käŋ lëu kedhie, Bɛ̈ny ë nu, ku anu, luɔi cï yïn riɛldu nööm, ku ceŋ piny!

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Bäny 6:13

Ago Gidiɔn yen bɛ̈ɛ̈r an, “Na ye Bɛ̈nydït tɔ̈u ke wook, eeŋö ye nuɛɛnkë wo bɛ yök? Ku nu kagɛ̈iyë ke ënou ka wään ye wärkuɔ ke guiëër wook an ye Bɛ̈nydït ke looi, ku Yen ë bïï wo bei piny de Rip adï? Ku ënɔɔnë Bɛ̈nydït ë wo nyääŋ piny, acï wo päl ë kɔc ke Midian cin.”