Yith 51:6 - JAM DE NHIALIC 2011

⁶ Tïŋ paannhial, ku bɛ piny tïŋ! Paannhial abï määr cï nɔn ë tol, piny abï dhiap cï lupɔ thɛɛr, ku kɔcke kedhie abïk thou cït man ë luaŋ. Ku kuɔny bä bɛ̈ɛ̈i abï tɔ̈u aɣet athɛɛr, tiëmdï yen ee thök de käŋ.

Yith 51:6 ပူးပေါင်းရင်းမြစ်များ

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 111:3

Luɔide ëbɛ̈n athiäŋ ke riëëu ku dhuëëŋ, ku piathëpiɔ̈nde abï aa tɔ̈u athɛɛr.

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 33:6

ku gämë jur rëër adïu. Ee kɔcke gël anandu ku gëm keek pɛlënɔm ku ŋïnydekäŋ. Ku riëëu bï kek Bɛ̈nydït riëëu yen aye wëukɛn juëc.

Yith 34:4

Akɔ̈l ku pɛɛi ku kuɛl abïk kuɛɛm abïk röt looi ke ke ye abuui. Tënhial abï määr abï ciët biöŋ cï dolic, ku löny kuɛl cï yïth ke tiim ke ŋaap ku nɔn ee enap.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 50:9

Bɛ̈nydït Awärjäŋ guöpde abï ya kony, ee raan cɔl ŋa duëër a tɔ de guöp awäc? Kɔc gɛɛny yɛn kedhie abïk määr, abïk lɔ riär piny cït lupɔɔ ë ciɛm cɔl.

Yith 51:8

abïk riäär cï lupɔ cïï ë col cam! Ku luääk bä bɛ̈ɛ̈i abï tɔ̈u aɣet athɛɛr, ku tiëmdï abï tɔ̈u ë ceŋ.”

Yith 54:10

Kur dït ku kur kor aduëërkï kuɛm, ku nhiëërdiën agɔk acïï bï kɔn jäl tëde we, Yɛn bï gutguutdiën de mät muk aɣet athɛɛr.” Yen kë lueel ë Bɛ̈nydït nhiaar week ka.

Yith 54:9

“Ɣɔn në run ke Nowa, Yɛn cï gutguut lueel, nɔn cän piny bï bɛ tɔ mol. Ku ënɔɔnë yɛn cï gutguut lueel nɔn cän bï bɛ gɔ̈th wo week, wek cä bï bɛ gɔ̈k ku cä we be luöi këtuc.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Math 24:35

Tënhial abï nyai ayï piny, ku wëlkï acïkï bï nyai ananden.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.