Yith 51:5 - JAM DE NHIALIC 2011

⁵ Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 51:5 ပူးပေါင်းရင်းမြစ်များ

Diɛt 110:6

Abï löŋ de juöör ke pinynɔm guiir, ku thiëëŋ pinyden në gup ke kɔc cï thou, abï meliik nu ë pinynɔm ëbɛ̈n tiaam.

Diɛt 67:4

Tɔ juöör ëbɛ̈n mit piɔ̈ɔ̈th, ku kïtkï në miɛtëpiɔ̈u, në luöi Yïn löŋ de kɔc guiir në yic, ku tit jur ëbɛ̈n ë pinynɔm

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Diɛt 98:9

në biäk bïï yen pinynɔm bɛ̈n cieŋ. Abï kɔc ke pinynɔm cieŋ në piathëpiɔ̈u ku yic.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 24:15

ku kɔc nu të lɔ aköl amiäk abïk piɔɔny. Kɔc rɛ̈ɛ̈r në wɛ̈ɛ̈r yɔu abïk Bɛ̈nydït, Nhialic de Yithriɛl piɔɔny.

Yith 26:4

Ŋäthkï Bɛ̈nydït aɣet athɛɛr, në baŋ bï Bɛ̈nydït Nhialic wo gël anande.

Yith 33:2

Bɛ̈nydït kokëpiɔ̈u we wook, ee cï aŋäthda tääu në yïguöp. Ye we gël akööl yiic ëbɛ̈n ku kony wook në akööl ke nuan.

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 40:10

Bɛ̈nydït Awärjäŋ abɔ̈ bïï bɛ̈n cieŋ në riɛl, abɔ̈ ke kɔckɛn cï keek kony, ku athiɛɛidɛn cï gäm keek.

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 49:1

Piɛŋkï kë luɛɛl, wek juöör mec, wek kɔc rɛ̈ɛ̈r të mec! Wään kën ë ya dhiëëth, Bɛ̈nydït acï ya lɔc ku kuɛny yɛn ke ya ye awunde.

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Yith 56:1

Aye Bɛ̈nydït lɛ̈k kɔcke an, “Luɔikï ke röŋ ku ye yic, në biäk bïï Yɛn we kony në ee nïn lik bï bɛ̈në, ke piathëpiɔ̈ndï bï rɔt nyuɔɔth.

Yith 59:16

Acï gäi arëët në yen e tïŋ ke cïn raan kony kɔc yɔŋ. Ka yen abï piathëpiɔ̈nde nyuɔɔth bïï yen kɔcke luök.

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 62:11

Nɔn lɛ̈k ë Bɛ̈nydït piny nɔm ëbɛ̈n an, “lɛ̈kë kɔc ke Jeruthalem an Bɛ̈nydït abï we bɛ̈n kony, abïï kɔc cï luök bɛ̈ɛ̈i në yen ëtök.”

Yith 63:5

Yɛn aacï gäi wën tiëŋ ɛn piny ke cïn raan kony ɛn. Ku agönhdï acï ya tɔ ril, guɔ tiam në guöpdï.

Jowɛl 3:12

“Ku juöör ë ke guiir röt, bïkkï në wak de Jeɣocapat yic. Yen të bï Bɛ̈nydït löŋ de juöör kedhie lɔ guiir thïn ka ëtɛ̈ɛ̈n.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Romai 2:16

Kööl bï Nhialic ka cïï kɔc moony jɔ̈ɔ̈ny në Yecu Kërtho, në këde wëlkiën piɛth.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Nyöŋ 30:14

Ei, jam athiääk kekë week arëët. Anu në we thook ku anu në wepiɔ̈ɔ̈th, ka week aduëërkï riëëu.

1 Tham 2:10

Ku kɔc ke ater de Bɛ̈nydït abï keek riɔ̈ɔ̈k, abïï Bɛ̈nydït keek rɛ̈liic paannhial. Bɛ̈nydït abï kɔc ke piny thar luöi këtuc, abï riɛl gäm melikde, abï melikdɛn cï lɔc tɔ tiëm.”