Yith 51:2 - JAM DE NHIALIC 2011

² Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Yith 51:2 ပူးပေါင်းရင်းမြစ်များ

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 24:1

Abraɣam acï jɔ dhiɔp aläl, ku acï Bɛ̈nydït thieei në këriëëcdɛn ë ye looi ëbɛ̈n.

Cäk 24:35

Bɛ̈nydït ë bɛ̈nydiën Abraɣam thieei aläl, ku tɔ kueth. Acï gäm luny ë thök, amɛ̈l ku bɔɔth, ku ɣɔ̈k, ku ateek, ku adhɛ̈p, ku lïïm röör ku diäär, ku thɔ̈rɔ̈l ku mul.

Yith 29:22

Ku ënɔɔnë Bɛ̈nydït Nhialic de Yithriɛl ɣɔn kony Abraɣam në nuanic, aye lueel an, “Kɔckï wek cïï gup bï bɛ yäär anandun, ku wek cïï wenïïm bï bɛ guöt piny në ayäär.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 43:27

Kuarkuön ɣɔn thɛɛr acïk wäc, bänykun acïk ɛn luöi awäc,

Yith 48:1

Piɛŋkï kënë wek kɔc ke Yithriɛl wek kuat de Juda: Wek ee kuëëŋ në rin ke Bɛ̈nydït, ku yak lueel nɔn lam wek Nhialic de Yithriɛl, ku jam yak lueel acie yen yak looi.

Yith 60:22

Ayï jur koor ku cï rɔt kuɔɔr piny, Abï dït ku abï ciët jurdïït ril. Të le akööl rɔ̈ŋ bɛ̈n, Yɛn bï ee kënë dap tɔ loi rɔt. Acä lueel, Yɛn Bɛ̈nydït!”

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Edhekiɛl 33:24

“Mɛnh ë raan, aye kɔc rɛ̈ɛ̈r në pɛ̈ɛ̈ny cï riɔ̈ɔ̈k nu piny de Yithriɛl lueel an: Abraɣam aaye raan tök, ku acï bɛ̈n gäm piny ëbɛ̈n. Ku ënɔɔnë wok cï dɛ kɔc juëc, ka ënɔɔnë piny ee këda.

Nyöŋ 1:10

Në luɔɔi cïï Bɛ̈nydït Nhialicdun week tɔ juëc, ku wek cï juëc ka wek cï ciët kuɛl nu nhial.

Nyöŋ 26:5

Ku ë Bɛ̈nydït nɔm ëtɛ̈ɛ̈n yïn bï ee wëlkë jɔ lɛ̈k Bɛ̈nydït an: ‘Akuaar aaye raan de Aramiin ee cath tei, raan ë leer baaide Rip ke bï lɔ ceŋ ëtɛ̈ɛ̈n. Kuënden aa lik ɣɔn lee kek ëtɛ̈ɛ̈n, ku acïk bɛ̈n juëc ku yek jur ril.

Jocua 24:3

Guɔ kuɛɛrëdun Abraɣam jɔt lɔŋ de Yuparat, ku kuɛ̈ny piny de Kanaanic ëbɛ̈n. Na ɣɔn, ke gäm mïth juëc, guɔ gäm Yithaak.