Yith 51:19 - JAM DE NHIALIC 2011

¹⁹ Riäŋdïït ee yic rou acï we lɔ̈ny: pinydun acï riääk në tɔɔŋ biɔ̈k, ku kɔckun anɛ̈k cɔk keek. Acïn raan nyuth we kokdepiɔ̈u.

Yith 51:19 ပူးပေါင်းရင်းမြစ်များ

Jop 2:11

Na wën acï määth ke Jop kadiäk katuc thook cï Jop lɔ̈ny piŋ, gokï bɛ̈n tëde yen, ŋɛk aaye jäl wunden, yï: Eliapath raan wun ë Teman, ku Bildad raan piny ë Cuwa ku Dhopar raan piny ë Naama. Acïk röt thɔ̈n kedhie bïk bɛ̈n duut piɔ̈u.

Jop 42:11

Wɛ̈ɛ̈tëkɔcken ku nyïïrëkɔcken ku jɔ ya määthkɛn thɛɛr acïk en bɛ̈n neem, ku ciëmkï në yen ku nyuthkï luɔi kɔ̈ɔ̈c kek në yen, ku dutkï piɔ̈u paande, në riäŋ cï Bɛ̈nydït yiɛ̈n en, ku keek kedhie aa ye raan tök gäm wëu, ku adhääp.

Diɛt 69:20

Lɛ̈ɛ̈t acïk ya dhoŋ piɔ̈u, ku yɛn cï piɔ̈u jiɛth. Yɛn aa ŋäth kokdepiɔ̈u, go ciën tök, ku kaar duötdepiɔ̈u, go ciën kë yäk.

Wɛ̈ɛ̈t 4:1

Guɔ bɛ daai, ku tiëŋ yaaŋ loi rɔt ëbɛ̈n ë piny nɔm, dhiën dhiɛɛu ë kɔc yɔŋ keek, ku acïn raan dut ke piɔ̈ɔ̈th ku kony keek: ku kɔc ee keek yɔŋ adekï nïïm riɛl.

Yith 14:30

Bɛ̈nydït abï aa tïn de kɔckɛn kuanynyïïn ku abï kɛ̈ide tɔ rɛ̈ɛ̈r ë mätic. Ku abï cɔŋ rac tuöc week wek Pilithiin, ku acïn raan töŋ bïï pɔ̈l apïïr në we yiic.

Yith 22:4

Ënɔɔnë nyääŋë ya piny ke ya dhiëëu kɔckiën cï thou. Ku duökï them bäk ya duut piɔ̈u.

Yith 47:9

Ku në kaam koor në kööl tök yic, kakë kaarou abïk tuöl. Cakaa nɔn ye yïn lui në yiëth yïn bï nɔm ciën moc ku mïth.

Yith 54:11

Aye Bɛ̈nydït lueel an, “Jeruthalem oou, pänydïït gum këtuc tɔ̈u në guömic, ku cïn raan töŋ riit yepiɔ̈u, Yɛn bï këërkëërdu bɛ nyɔk në yïk në kur piɛth.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 61:2

Acï ya tooc bä kɔc bɛ̈n lɛ̈k luɔi cï akööl bɛ̈n, kööl bïï Bɛ̈nydït kɔcke kony ku tiɛɛm kɔc ke aterden. Acï ya tuööc bä kɔc dhiau duut piɔ̈u ëbɛ̈n.

Yith 8:21

Kɔc abïk tai ë piny nɔm, abïk piɔ̈ɔ̈th jiɛth ku nɛ̈k cɔk keek. Në ŋɔ̈ɔ̈ŋden ku në agönhden yic, abïk melikden ku Nhialicden läm aciɛɛn. Ku aduëërkï tënhial woi,

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Jeremia 15:5

Aye Bɛ̈nydït lueel an, “Kɔc ke Jeruthalem eeŋa bï piɔ̈u kok ke week, ku eeŋa bï we dhiëëu? Eeŋa bï kaam dït nööm ke thiëc täu täu wek?

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 3:47

Wok cï lööny në riääkic ku nuanic, wo rɛ̈ɛ̈r ë diɛɛric kekë riɔ̈ɔ̈c.

Edhekiɛl 14:15

“Ku nɔn duɛ̈ɛ̈r ɛn läi roor tuɔɔc bïk kɔc lɔ nɔ̈k, ta piny ee tëde riɔ̈ɔ̈cdït cïn raan bï aa tëëk ëtɛ̈ɛ̈n,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Naɣum 3:7

Ku raan ëbɛ̈n, raan lɔ yï tïŋ abï aa kat në yïn. Ku lueelkï an, ‘Ninebe ë riääk! Eeŋa bï ye dhiëëu? Ee tënou bän raan kɔk en yök thïn?’

2 Kor 7:13

Yen acï wo muk piɔ̈ɔ̈th. Ku ënɔn cï wo muk piɔ̈ɔ̈th, yen acï wo piɔ̈ɔ̈th miɛt aläl në miɛt ë Tito piɔ̈u, luɔi cï piɔ̈nde tɔ lɔ guïk piny ë week wedhie.