Yith 51:11 - JAM DE NHIALIC 2011

¹¹ Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 51:11 ပူးပေါင်းရင်းမြစ်များ

Diɛt 126:2

Wok cï bɛ̈n dɔl ku këtku diɛt ë miɛtëpiɔ̈u! Go ë juöör kɔ̈k lueel ë biäkda an, “acïï Bɛ̈nydït keek luöi kagɛ̈iyë.”

Diɛt 126:5

Tɔ kɔc ee dhiau të com kek duumken, tɔ keek tem rɛɛpken në miɛtëpiɔ̈u!

Yith 11:15

Bɛ̈nydït abï Baar ë Thueth tɔ dëu, ku abï yom tuc bɛ̈ɛ̈i ku tɔ wɛ̈ɛ̈r ë Yuparat tɔ dëu, ku nyiëëŋ nyïïn thiiakäŋ kadhorou piny, ago raan ëbɛ̈n keek aa teem ke ke lɔ lɔɔk.

Yith 25:8

Ku Bɛ̈nydït Awärjäŋ abï thuɔɔu riɔ̈ɔ̈k aɣet athɛɛr! Abï pïïu wɛɛc wei ë kɔc nyïïn kedhie, raan ëbɛ̈n, ku nyiɛɛi ayär cïï kɔcke nuan ë piny nɔm ëbɛ̈n. Acïï Bɛ̈nydït lueel guöpde!

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Yith 61:7

Ku ayärdun ku riɔ̈ɔ̈cduön ë guöp acïk thök. We bï rëër pinydun, ku kuɛthdun abï ŋuak nyin, miɛtëpiɔ̈ndun abï tɔ̈u aɣet athɛɛr.

Yith 65:14

Abïk diɛt ke miɛt ë piɔ̈u ket ku we bï dhiau në jiɛth ë piɔ̈u.

Yith 65:19

Yɛn guöpdï Yɛn bï thiäŋ wo miɛtëpiɔ̈u në biäk de Jeruthalem ke kɔcke. Abï ciën dhiëëu ëtɛ̈ɛ̈n, ku raan kɔɔr kuɔɔny.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

Nyuuth 21:1

Na wën, ke ya tïŋ paannhial cï piac cak ku piny cï piac cak, luɔi cï paannhial tueŋ jäl ayï piny tueŋ: ku acïn wɛ̈ɛ̈r be nu.

Nyuuth 21:4

ku abï pïïu ke kenyïïn weec ë kenyïïn kedhie, ku thuɔɔu acïï bï be nu, ayï jiɛthëpiɔ̈u, ku dhiëëu, ku arɛɛm, acïkï bï bɛ nu: ka tueŋ acïk jäl ëliŋliŋ.”

Nyuuth 22:3

Ku acïn aciɛɛn bï bɛ nu ë pänydïtic. Ku thöönydïït ë Nhialic kekë Nyɔŋamääl abïk nu thïn: ku abïï lïïm ke aa lam.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”