Yith 51:10 - JAM DE NHIALIC 2011

¹⁰ Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 51:10 ပူးပေါင်းရင်းမြစ်များ

Diɛt 106:10

Acï keek luäk bei tëde kɔc man keek, acï keek luök tëde kɔc de kek ater.

Diɛt 106:9

Acï Wɛ̈ɛ̈r thith yɔ̈ɔ̈k, ago yic ril wei, acï kɔcke bɛ̈n tɔ tëm piny ril, cït man ë jɔ̈ɔ̈r.

Diɛt 74:13

Në riɛlduöndït Yïn cï wɛ̈ɛ̈r tekic, ku dhiac ŋuäl nïïm piny ë pïïuwiic.

Diɛt 77:19

Yïn ee cath në apiöökic, ku tem wɛ̈ɛ̈r thuth, ku të cï käc në Yïcök acïï duëërë tïŋ.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Yith 11:15

Bɛ̈nydït abï Baar ë Thueth tɔ dëu, ku abï yom tuc bɛ̈ɛ̈i ku tɔ wɛ̈ɛ̈r ë Yuparat tɔ dëu, ku nyiëëŋ nyïïn thiiakäŋ kadhorou piny, ago raan ëbɛ̈n keek aa teem ke ke lɔ lɔɔk.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 35:9

Acïn kɔ̈ɔ̈r bï nu ëtɛ̈ɛ̈n, acïn län rɛɛc bï tëëk ë kueerë. Ee kɔc cïï Bɛ̈nydït luök, kek abï cath në ee kueerë yic ke ke lɔ baai.

Yith 42:15

Yɛn bï kur kor ku kur dït riɔ̈ɔ̈k ku ta wal yuɔm kekë tiim. Yɛn bï wɛ̈k ke kiɛɛr tɔ ye jɔ̈ɔ̈r, ku ta awuul ke pïïu dëu.

Yith 43:16

Ɣɔn thɛɛr Bɛ̈nydït acï kueer looi, kueer ee tëëk në wɛ̈ɛ̈ric, kueer ee tëëk në kuëër de pïïuwiic.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 62:12

Wek bï aa cɔɔl an, “Kɔc ɣer yiic ke Nhialic,” Kɔc cïï Bɛ̈nydït ke luök. Nyan de Dhiɔn abï aa të nhiɛɛr ë Nhialic,” “Pänydïït kën ë Nhialic pɔ̈l.”

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Maika 7:15

Abä keek nyuöth kake gäi, cït man ɣɔn kan Ɛn ke looi ɣɔn jël kek ë Rip.

Dhek 10:11

Wadäŋ të teem wɛ̈ɛ̈r de katuc, yɛn bï apiöök yupic, yɛn Bɛ̈nydït, ku Kiir abï dëu taitai. Lɛc de Athiriya abï kuɔɔr piny, ku nyiɛɛi yë riɛl de Rip.