Yith 50:8 - JAM DE NHIALIC 2011

⁸ në biäk thiɔ̈k ë Nhialic ke kɔc ku abï ya yök ke ya cïn guöp awäc. De raan duëër ya gaany? Lokku tëde guiëër ë löŋ ëtök! Takkï lueel kakɛn gɛɛny en ɛn!

Yith 50:8 ပူးပေါင်းရင်းမြစ်များ

Jop 13:19

Eeŋa ëtɛ̈ɛ̈n, raan bï ya gaany? Na ye täude ka, ke yɛn bï jɔ mim ku thuɔu.

Diɛt 119:151

Ku Yïn thiɔ̈k ë yalɔ̈ɔ̈m Bɛ̈nydït, ku lööŋku kedhie ayek tɔ̈u tëden ë caŋɣɔn.

Bɛ̈n 22:9

“Në göny ke cuëëriic kedhie, göny ke ɣɔ̈k, ku nɔn ee kek göny ke thök, ku nɔn ee kek göny ke mul, ku nɔn ee kek göny ke lupɔɔ, pëk ë kë cï kual ëbɛ̈n, ke kɔc de gööny kaarou ë ke leerë keek në Nhialic nɔm. Ku raan cï Nhialic yök ke de guöp awäc, abï acuut ee yic rou aa tääu piny, gëmë raan däŋë.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 41:1

Aye Nhialic lueel an, “Miɛmkï thook ku piɛŋkï Yɛn thok wek piiny mec! Guiɛɛrkï röt bäk göönydun lɛɛr në bäny ke luk nïïm, wek bï dɛk kaam bä wek jam. Bäk mɛtku wonïïm tëtök buk löŋ mac eeŋa de yic.

Yith 41:21

Kë lueel ë Bɛ̈nydït, Nhialic de Yithriɛl kï. “Wek yiëth ke juöör, bɛ̈ɛ̈ikï göönydun. Bɛ̈ɛ̈ikï kë nyooth yicduön tɔ̈u ke week!

Yith 43:26

“Lokku në lukic, bɛ̈ɛ̈iyë göönydu! Nyuɔɔthë göönydu, ke bïï ŋic nɔn de yïn nɔm yic!

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Math 5:25

“Dapkï mat wekë raan dɛ wek ater, të ŋuɔɔt wek ë we nu kueer ëtök, ke raan dɛ wek ater acïï yïn bï yiɛ̈n raan ee kɔc mac, ke yï cïï bï cuat aloocic.

Nyöŋ 19:17

keek kaarou abïk dhil lɔ të töŋ de läm, ku jɔ löŋden lɔ guiir në bäny de kake Nhialic ku bäny ee lööŋ guiir, kɔc bï tɔ̈u ë luɔi yic.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.