Yith 50:2 - JAM DE NHIALIC 2011

² “Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 50:2 ပူးပေါင်းရင်းမြစ်များ

Cäk 18:14

De kë duëër Bɛ̈nydït dhal? Në të cä lueelë, Yɛn bï bɛ̈n të nu wek ëlë yaak wälë, ku Thara abï dɛ mɛwä.”

2 Lëk 32:15

Ku ënɔɔnë duökï Ɣedhekia tɔ mɛth week ku thel week wei aya. Duökï kë lueel gam! Acïn yanh de jur cï kɔcke kɔn kony tëde melik de Athiriya. Ka yanhduönë acïï week bï kony!”

Diɛt 106:9

Acï Wɛ̈ɛ̈r thith yɔ̈ɔ̈k, ago yic ril wei, acï kɔcke bɛ̈n tɔ tëm piny ril, cït man ë jɔ̈ɔ̈r.

Diɛt 107:33

Bɛ̈nydït acï kiɛɛr tɔ ye jɔ̈ɔ̈r, ku tɔ nyïïn tɔ kääc ke ke cïï be wat.

Bɛ̈n 14:21

Na wën, ke Mothe yɔɔk yecin nhial në wɛ̈ɛ̈r nɔm, go Bɛ̈nydït wɛ̈ɛ̈r tɔ lɔ ciëën në amaŋdïït bɔ̈ në baŋ të lɔ aköl amiäk, amaŋ ruu ke put në wɛ̈ɛ̈ric ëbɛ̈n. Go pïïu tɔ tek keyiic, ku jɔ wɛ̈ɛ̈r aa tëril.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Bɛ̈n 7:18

Ku rec juëc abïk thou Kiir, ku tɔkï Kiir ŋuäcic. Ka acïn luɔi bï kɔc ke Rip bɛ dek thïn.’ ”

Bɛ̈n 7:21

Ku thou rec juëc Kiir, go Kiiric ŋuäc. Go ciën luɔi be kɔc ke Rip dek thïn. Piny ë Rip ë bɛ̈n rëër ke ye riɛm ëbɛ̈n.

Kɛ̈ŋ 1:24

Wek ya cool ë caal ɛn week ku cäkï gam. Wek cïï kë luɛɛl ee piŋ.

Yith 11:15

Bɛ̈nydït abï Baar ë Thueth tɔ dëu, ku abï yom tuc bɛ̈ɛ̈i ku tɔ wɛ̈ɛ̈r ë Yuparat tɔ dëu, ku nyiëëŋ nyïïn thiiakäŋ kadhorou piny, ago raan ëbɛ̈n keek aa teem ke ke lɔ lɔɔk.

Yith 19:5

Pïïu ke Kiir abïk lɔ piny, ku jɔ Kiir dëu ë määth.

Yith 23:11

Bɛ̈nydït ë Yecin riɛny ë wɛ̈ɛ̈r nɔm, ku jiëp ciɛɛŋ piny. Ë kɔc ke Kanaan yɔ̈ɔ̈k bïk ɣään ke ɣööc riɔ̈ɔ̈k.

Yith 36:20

Ee yanh de wunou cï wunde kɔn luök në melikda ciin? Ka eeŋö tɔ we tak luɔi duëër ë Bɛ̈nydït Jeruthalem luök?”

Yith 41:28

Na wën aa tiëŋ yiëth yiic, ke cïn raan töŋ ee kɔc riit piɔ̈ɔ̈th, acïn raan töŋ puk thiëcdï nɔm.

Yith 42:15

Yɛn bï kur kor ku kur dït riɔ̈ɔ̈k ku ta wal yuɔm kekë tiim. Yɛn bï wɛ̈k ke kiɛɛr tɔ ye jɔ̈ɔ̈r, ku ta awuul ke pïïu dëu.

Yith 43:16

Ɣɔn thɛɛr Bɛ̈nydït acï kueer looi, kueer ee tëëk në wɛ̈ɛ̈ric, kueer ee tëëk në kuëër de pïïuwiic.

Yith 44:27

Në wɛ̈t de yöök, Yɛn cï Abäpdit tɔ dëu.

Yith 51:10

Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 54:6

Yithriɛl yïn cït tiiŋ ë piacë thiaak, tiiŋ cïï monyde nyääŋ piny ku cï piɔ̈u jiɛth arëët. Ku Bɛ̈nydït acï yï caal ciëën bä ku lueel an:

Yith 59:1

Du ye tak nɔn cïn ë Bɛ̈nydït riɛl bïï Yen we kony, ku nɔn yen miŋ ka cïï cɔ̈tduön kaar wek kuɔɔny ee piŋ!

Yith 59:16

Acï gäi arëët në yen e tïŋ ke cïn raan kony kɔc yɔŋ. Ka yen abï piathëpiɔ̈nde nyuɔɔth bïï yen kɔcke luök.

Yith 63:13

ke bï tiëmdïït de kɛk cïï bï thök bɛ̈ɛ̈i ë yeguöp. Aake wɛt Bɛ̈nydït, ku ciɛthkï ke ke ril cök cï jöŋgöör ë jɔ̈ɔ̈ric, ku ciɛthkï ke ke cïï kɔ̈th.”

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Yith 65:12

Abï aa thök de pïïrdu bä thon në tɔŋ, në biäk kɛ̈n wek cɔ̈tdï puk nɔm wään caal ɛn week, ku kɛ̈nkï piŋ wään jam ɛn wo week. Acäk lɔc bäk a rɛɛc thok ku luɔikï karɛc.

Yith 66:4

Ka yɛn bï riääk yiɛ̈n keek, kë wën ye kek riɔ̈ɔ̈c, në biäk cïn en raan ee ye puk nɔm të cɔ̈ɔ̈t ɛn, ku cïn raan pïŋ të jaam ɛn. Acïk reec reec kek ɛn lɔc ku loikï karɛc.”

Jeremia 14:9

Eeŋö ee Yïn ciët raan cï nɔm mum, eeŋö ee Yïn ciët raan de tɔŋ cïn kony? Ee yic, Bɛ̈nydït Yïn tɔ̈u we wook! Wok ee kɔcku, du wook pɛ̈lwei.’ ”

Jeremia 35:14

Mïth ke wɛ̈ɛ̈t ke Jonadap acïk lööŋke riëëu luöi cïï kek mɔ̈u bï aa dek, agut cï ee köölë acïn raan töŋ ee mɔ̈u dek ë keyiic, ë biäk cï kek löŋ de wuönden döt. Ku Yɛn ee cool ke ya jam wo week, ku wek kën Ya riëëu.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Jeremia 7:27

“Ka yïn Jeremia, yïn bï ee wëlkë dhil lɛ̈k kɔckï kedhie, ku acïkï këdu bï piŋ, abä keek cɔɔl ku acïkï bï gam.

Jeremia 8:6

Yɛn cï Yayïth këët, ku wek kën yith lueel. Acïn raan tök në weyiic, raan cï awänyde gam, ku acïn raan tök në weyiic, raan cï lop an, ‘Eeŋö cä wööc?’ Ŋɛk ee cath në cäthde, cït man ë jöŋgör lɔ ë tɔŋic.

Danyel 3:15

Ënɔɔnë të cä wek röl de kaaŋ piŋ, ku aruöör ku thom ku lɔ̈ɔ̈r leŋ ku lɔ̈ɔ̈r dït ku agiɛɛr ku ka kɔ̈k ye gut, guötkï wenïïm piny ku lamkï kë cï käär. Na cäkï loi, ke we bï cuat ë many dɛ̈pic raantök. Yak tak de yanh duëër we kony?”

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 6:20

Na wën cï en ɣet ee të wën nu ë Danyel ke cöt në riɔ̈ɔ̈c ku jiɛthëpiɔ̈u an, Danyel, lïm de Nhialic pïïr! Cï Nhialic ye luööi ë yïpiɔ̈u ëbɛ̈n yï lëu në kuny ë kɔ̈ɔ̈r thook?

Danyel 6:27

Yen ee kony ku luɛ̈k, Yen ee göök looi ku looi kake gäi paannhial ku piny nɔm. Acï Danyel kony në luɔi bï ë kɔ̈ɔ̈r ye nɔ̈k.

Ɣodh 11:2

Ku ënɔɔnë, të cɔ̈ɔ̈l Ɛn Yithriɛl në yalɔ̈ɔ̈m, yen aye kek röt mɛc wei në Yɛn. Kɔckï ayek Baal näk, ku nyupkï yiëth wal ŋïr.

Ɣodh 11:7

Acïï ë kɔckï gam nɔn bïk kek a nyääŋ piny. Na cakaa nɔn ye kek Awärjäŋ cɔɔl rin, acïï keek bï kɔn jat nhial ë taiwei. Kënë atuc arëët, acä duëër lëu bä looi.

Naɣum 1:4

Ee wɛ̈ɛ̈r rɛ̈l ago dëu! Ku tɔ kiɛɛr dëu kedhie. Ku biɔɔr këtɔ̈c ëbɛ̈n tɔ̈u piny ë Bacan kekë kuur ë Karmel, ku lööny gaak de wal ke Lebanɔn wei.

Ɣabakuk 3:8

Ee kiɛɛr kek tɔ Yïn göth aläl Bɛ̈nydït? Ku ee wɛ̈ɛ̈r yen tɔ Yï diu piɔ̈u? Yïn ë kɛɛc në amaŋ de luäät kɔ̈ɔ̈th abïk ciët jöŋgöör ke tɔŋ ku tɔ kɔcku tiëm.

Kuɛ̈n 11:23

Go Bɛ̈nydït pɔ̈k Mothe nɔm an, “Ye tak kënë duëër Ɛn ban në luɔi? Abä tïŋ ënɔɔnë, na bï ke cä lueel rɔt lëu në luɔi ku nɔn cïï rɔt bï lëu!”

Mak 4:39

Go pääc, go yom jɔ̈ɔ̈ny, ku yöök wɛ̈ɛ̈r an, “Lɔ lik, pälë rɔt piny!” Go yom kɔ̈ɔ̈c, ku lɔ wɛ̈ɛ̈r dïu arëët.

Jɔn 1:11

Aa bɔ̈ tëde kɔcke, ago kɔcke ye cuö gam.

Jɔn 3:19

Gääk cï tääu ë kɔc yiëth kï, ɣɛɛrëpiny ëbɛ̈n ë piny nɔm, go kɔc cuɔlëpiny nhiaar awär ɣɛɛrëpiny, ë luɔi rɛɛcë luɔiden.

Jocua 3:16

Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.