Yith 50:11 - JAM DE NHIALIC 2011

¹¹ Wek kɔc ee kiɛɛr rac luöi kɔc kɔ̈k wedhie wek bïï kiɛɛrduön rac yak luöi kɔc kɔ̈k nɔ̈k. Bɛ̈nydït guöpde abï ee kënë tɔ loi rɔt, wek bï nuan arëët.

Yith 50:11 ပူးပေါင်းရင်းမြစ်များ

Diɛt 16:4

Kɔc cï röt lɔc yiëth kɔ̈k, acïk röt yiɛ̈n nuɛɛn. Yɛn cïï bï lɔ ë miɔ̈cden yic, yɛn cïï yiëthken bï lam.

Diɛt 32:10

Kɔc ee karɛc looi ayek nuan, ku kɔc ee Bɛ̈nydït ŋɔ̈ɔ̈th aye ke gël në nhiëërdɛn agɔk.

Kɛ̈ŋ 26:18

Raan ee mɛth tɔ ye këde thuëëc, acït amiɔ̈l muk ka ye ke tɔɔŋ thɔ̈ɔ̈r aköölkë.

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Yith 9:18

Karɛc ye kɔc looi adëpkï cït many ee kuɔɔth ku thil riɔ̈ɔ̈k. Ee dëp cï roor cï ɣɔ̈k mac cïï tol tënhial paat ëbɛ̈n.

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Amoth 4:9

“Wek cä tuöc käm juëc riäk rɛɛpkun, ku yiën week kɔyɔm riëëk duumkuön ke tiim ëbɛ̈n, tiim ke enap, ayï tiim ke olip. Ku wek ŋoot ke wek kën röt pɔ̈k Ɛn. Kë cïï Bɛ̈nydït lueel ka.

Jona 2:8

Kɔc ee yiëth cïn naamden lam, acïk jäl në riëëuwic, riëëudɛn ye kek Yïn riëëu.

Ɣabakuk 2:13

Juöör cäk peec acïk luɔi looi luɔi cïn kë cïk yök thïn, acïk tiam ku këriëëc cïk looi abï nyop ëbɛ̈n. Ee Yen Bɛ̈nydït de rɛm Yen aloi ee kënë.

Math 22:13

Na wën, ke melik yöök lïïmke an, “Duötkï cök ku yecin, ku jatkï, cuatkï tëcol biic ya, dhiëëu abï nu ëtɛ̈ɛ̈n kekë ŋëny de lec.”’

Math 8:12

Ku wɛ̈ɛ̈t ke ciɛɛŋ abïï ke cuat tëcool nu biic ya, tɛ̈ɛ̈n abï dɛ dhiëëu ku ŋëny de lec.”

Jɔn 8:24

Yen aa lɛ̈k ɛn e week, an, we bï thou në karɛckun yiic: ku të kɛ̈n wek a gam, ‘nɔn aa Yɛn En,’ ke we bï thou ë karɛckun yiic.”

Jɔn 9:39

Go Yecu lueel an, “Ee guiëërëlöŋ yen aa bïï yɛn ë piny nɔm, ke kɔc cie daai ë ke bï bɛ̈n daai, ku bï kɔc daai bïk cɔɔr.”

Romai 10:3

Ku keek, në kuny kuc kek piathëpiɔ̈u bɔ̈ tëde Nhialic, ku ŋäth ŋɛ̈ɛ̈th kek piathdɛn ë piɔ̈u etök, aake ye piathëpiɔ̈u bɔ̈ tëde Nhialic rɛɛc gam.

Jakop 3:6

Ku liep ee mac, ee piny cï nɔm thiäŋ ke kërac, täu ee liep tɔ̈u ë ka ke wogup yiic kï, ee kënë guöp tɔ col ëbɛ̈n, ku ye kueer ë kë cï cak cuöny thok ë mac, ku yenguöp aye cuöny thok ë many ë giɛna.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.