Yith 50:10 - JAM DE NHIALIC 2011

¹⁰ Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 50:10 ပူးပေါင်းရင်းမြစ်များ

2 Tham 22:29

Bɛ̈nydït, Yïn ee ɣɛɛrdï. Yïn ee mɔ̈ɔ̈th riaau ë yalɔ̈ɔ̈m.

1 Lëk 5:20

Agokï Nhialic ŋɔ̈ɔ̈th, ku lɛ̈ŋkï bïï ke kony, go Nhialic lɔ̈ŋden piŋ, ku tɔ keek tɔ tiam kɔc ke Ɣagariit në kɔc mät ë keek.

2 Lëk 20:12

Yïn ee Nhialicda! Luöiyë keek këtuc, wok cïn nïïm riɛl në rem dïït de tɔŋ cï wook makë nɔm. Wok kuc kë buk looi, ku wok ŋäth kuɔɔny tëde yïn.”

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

Jop 13:15

Të ciɛk ë Nhialic a nɔ̈k ku ciën nɔm aŋäth, ke yɛn ŋoot ke ya kääc ke ya gööny në Yenɔm.

Jop 29:3

Ɣɔn ye ɣɛɛrde ya meer, ku riɛɛu ɛn të cath ɛn ë mɔ̈ɔ̈thic,

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 128:1

Thieithieei në kɔc ee Bɛ̈nydït riëëu, kɔc ee cath ë lööŋke yiic.

Diɛt 145:21

Yɛn bï Bɛ̈nydït aa leec ë ceŋ, tɔ ka cï cak kedhie thieei rinkɛn ɣeriic aɣet athɛɛr.

Diɛt 23:4

Na ya cak cath në wak de mɔ̈ɔ̈th dïït lɔcɔ̈t yic, yɛn cie riɔ̈ɔ̈c në kërac, në luɔi tɔ̈u ë Bɛ̈nydït ke yɛn. Thienydu ku waidu ayek ɛn tɔ mit piɔ̈u.

Diɛt 25:12

Raan ee Bɛ̈nydït riëëu, yen aye Bɛ̈nydït nyuöth kueer cï lɔc.

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Diɛt 28:7

Bɛ̈nydït yen aye riɛldï ku ye köndï, aŋääth në yapiɔ̈u. Ee yɛn kony ku tɔ yɛn mit piɔ̈u, aya piɔɔny në diɛt ke miɛtëpiɔ̈u.

Diɛt 42:11

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 62:8

Kɔckï yak, Nhialic ŋɔ̈ɔ̈th aköölnyïïn. Yak lɛ̈k kë nuan week ëbɛ̈n, Nhialic ee tëde thiaan.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Yith 10:20

Ade kööl bɔ̈, kööl cïï kɔc lik ke Yithriɛl cï döŋ apïïr röt bï bɛ kan në juöör cï keek duɛ̈ɛ̈r riɔ̈ɔ̈k. Abïk aŋäthden tääu ë yic në Bɛ̈nydït guöp, Nhialic Ɣeric de Yithriɛl.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 26:9

Yïn ya kɔɔr ë Yapiɔ̈u ëbɛ̈n wakɔ̈u, të ye Yïn löŋ de piny guiir kekë kɔc nu thïn, abïk wëët kedhie në piathëpiɔ̈u.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 59:9

Yeka yic amec ke wook, ku piathëpiɔ̈u acïï bɔ̈ në woyiic. Ayok ŋɔ̈ɔ̈th an bï ɣɛɛr bɛ̈n ë wolɔ̈m, ku ee mɔ̈ɔ̈th yen nu yetök, ku kɔɔrku ɣɛɛr, ku wok ee cath në cuɔlëpiny yic,

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Yith 9:2

Kɔc ɣɔn cath ë mɔ̈ɔ̈thic acïk ɣɛɛrdït tïŋ. Aake rɛ̈ɛ̈r piny de atïïp ke thuɔɔu, ku ënɔɔnë ariɛɛu ë ɣɛɛr keek.

Dhiëëu 3:2

Acï yɛn kuaath ë mɔ̈ɔ̈thic liŋliŋ të cïn ɣɛɛr.

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Malakai 3:16

Ku ëtɛ̈ɛ̈n, kɔc ee Bɛ̈nydït riëëu acïk bɛ̈n jam në röt kapäc në baŋ de ee kakë, go Bɛ̈nydït kë luelkï piŋ. Rin ke kɔc ee Bɛ̈nydït riëëu, ku dhuëŋkï guöp acï keek gäär piny në awerekic në Bɛ̈nydït nɔm.

Jɔn 12:46

Yɛn aa bɔ̈ ë piny nɔm, ke ya ye ɣɛɛrëpiny, ke raan gam ɛn, ke cïï bï rëër tëcol.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

1 Pet 5:7

Yak diɛɛrduön aa wek diɛɛr ëbɛ̈n cuat ë yekɔ̈u, luɔi ee yen diɛɛr në këdun.

1 Tham 30:6

Go Debid nuan aläl, në biäk cïï kɔcke piɔ̈ɔ̈th kɛc ku luelkï an bïk Debid biɔ̈ɔ̈k në kur ë këde mïthken ku diäärken ku duetken, ku Bɛ̈nydït Nhialic acï Debid bɛ̈n riit piɔ̈u.