Yith 5:8 - JAM DE NHIALIC 2011

⁸ Amawoou në week! Kɔc ee ɣööt ku duum ɣɔɔc ku matkï keek në kakuön thɛɛr yiic. Ee nïn bɔ̈yë acïn piny bï döŋ, të bï raan däŋ bɛ lɛɛr, ee kek abï nyääŋ piny ke ke ceŋ ëtɛ̈ɛ̈n kapäc.

Yith 5:8 ပူးပေါင်းရင်းမြစ်များ

Jop 15:28

ku rëër në pɛ̈ɛ̈nydït cï ke pɔ̈liic, ku cieŋ ɣööt cïn raan duëër ke cieŋ, bïk aa panɔm cï riääk.

Jop 20:21

Cämdɛn ë kajuëc acïn kë ye both, në biäk de ee kënë acïn këdɛn bï rëër.

Kɛ̈ŋ 15:27

Raan dït piɔ̈u ee kɔc cam, ee baaide yiɛ̈nic awuɔɔu, ku raan man kum thok ee rëër në miɛt ë piɔ̈uwic.

Edhekiɛl 11:15

“Mɛnh ë raan, kɔc rɛ̈ɛ̈r në Jeruthalem ajamkï në biäkdu ku në biäk de mïthëkɔckuön cï peec. Ayek lueel an ‘Baai de Yithriɛl cï peec ëbɛ̈n anukï në ɣään mec bï kek Bɛ̈nydït lam. Acï wo gäm piny ke ye këda.’

Edhekiɛl 33:24

“Mɛnh ë raan, aye kɔc rɛ̈ɛ̈r në pɛ̈ɛ̈ny cï riɔ̈ɔ̈k nu piny de Yithriɛl lueel an: Abraɣam aaye raan tök, ku acï bɛ̈n gäm piny ëbɛ̈n. Ku ënɔɔnë wok cï dɛ kɔc juëc, ka ënɔɔnë piny ee këda.

Amoth 1:13

Aye Bɛ̈nydït lueel an, “Kɔc ke Ammon abä keek luöi këtuc, në biäk de karɛc juëc cïk looi. Arëk abïk diëër liac rɛ̈ɛ̈tiic bei në mïth në Giliyad, në baŋ bï kek piny nööm ke ye këden, ŋuɛk kek pinyden nyin.

Maika 2:1

Amawoou në kɔc ee kërac cät, kɔc ee kërac kiëët ke ke tɔ̈u piny ë biökken yiic, na lë ruu piny, ke ke loi kërɛɛcden cïk kiëët, në luɔi ril kek.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Ɣabakuk 2:6

Ku ade kööl bɔ̈ kööl bïï kɔc cïk peec keek bɛ dɔl gup, ku lëkkï keek an, “Wek ee kajuëc cie kakun nööm, Amawoou në week, Nhialic abï we luöi këtuc. Agut cï nɛn bä wek kuɛth cuuth në wëu yak dhɛ̈n kɔc ku bɛkï ke kɔ̈ɔ̈ny në riɛl?

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.