Yith 5:29 - JAM DE NHIALIC 2011

²⁹ Rem de tɔŋ ayek ŋäär cï kɔ̈ɔ̈r cï lɛ̈i nɔ̈k, ku mukkï ke cïn raan duëër ye bɛ̈ɛ̈i bei tëde keek.

Yith 5:29 ပူးပေါင်းရင်းမြစ်များ

Cäk 49:9

Juda acït köör; cï lände nɔ̈k, ku dɔk enɔm ɣönde. Ee riiny ku be rɔt dak piny tɔ̈ɔ̈c. Acïn raan ŋeny duëër en kɔ̈ɔ̈r akɔ̈ɔ̈k.

Diɛt 50:22

“Piɛŋkï kënë, wek kɔc ee nïïm määr në Nhialic, ke we cä bï riɔ̈ɔ̈k, ku acïn raan bï we luök.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 31:4

Go ë Bɛ̈nydït lɛ̈k ɛn an, “Të cuetë köör thɔ̈k, ku nɔn yen adur ë köör, acï awuɔɔu rël ë tïït ee bɛ̈ɛ̈r, ee lɔ ke cäm ë cämde. Yen acït luɔi bï Bɛ̈nydït de rɛm kuur de Dhiɔn bɛ̈n gël. Acïï bïï riääc abï kat.

Yith 35:9

Acïn kɔ̈ɔ̈r bï nu ëtɛ̈ɛ̈n, acïn län rɛɛc bï tëëk ë kueerë. Ee kɔc cïï Bɛ̈nydït luök, kek abï cath në ee kueerë yic ke ke lɔ baai.

Yith 42:22

Ku ënɔɔnë kɔcke acï ke peec ku rum keek, acï ke thiɔ̈ɔ̈k në pɔ̈l yiic, acï ke guöör ë ɣööt ke döm yiic. Acïï kuɛ̈l ku rum keek, ke cïn raan töŋ bï ke bɛ̈n luök.

Yith 47:15

Yen këpiɛth bïk luöi yïn ka ëbɛ̈n, kek kɔc ee kanhial kueen ee yïn jääm në pïïrdu yic ëbɛ̈n. Abïk yï nyääŋ piny kedhie ku kuanykï kueerden yic, ku acïn raan bï döŋ bï yïn kony.”

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 51:38

Kɔc ke Babilonia abïk aa ŋun kedhie cï köör, ku abïk yiic aa door cï aduuk ke köör.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Naɣum 2:11

Ka pänydït cï lɔ ënou ënɔɔnë Wun wään cït duŋ de kɔ̈ɔ̈r yen mïthke cääm thïn, ku cath mïthke ke cïn kë riëëc keek.

Dhep 3:3

Bänyke ayek ŋäär cït kɔ̈ɔ̈r, ku cït bänykɛn ee lööŋ guiir aŋuööth nɛ̈k cɔk cï wäth, cïn yuɔɔm yek buɔ̈th miäk.

Dhek 11:3

Bäny adhiaukï në jiɛthëpiɔ̈u, dhuëëŋden ë jäl! Piɛŋkï kïïu de kɔ̈ɔ̈r, ɣöndɛn roor nu ë Jordan yɔu acï riɔ̈ɔ̈k!

Kuɛ̈n 24:9

Yithriɛl acït köör ril cï tɔ̈c, acït ŋun ë köör, eeŋa duëër en pɔ̈ɔ̈c ë nïnic? Raan cï Yithriɛl thieei, abï thieei. Ku raan cï Yithriɛl läm aciɛɛn, abï cieen.