Yith 5:25 - JAM DE NHIALIC 2011

²⁵ Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 5:25 ပူးပေါင်းရင်းမြစ်များ

1 Mel 14:11

Kɔc ke baaidu bï thou ë pänydïtic, abï jɔ̈k ke cam, ku ka lɔ thou roor abï cuɔɔr ke ŋueet. Ee Yɛn Bɛ̈nydït Yɛn ë jam.’”

1 Mel 16:4

Kɔckuön cï thou ë pänydïtic, abïï jɔ̈k ke cuet, ku raanduön cï lɔ thou roor abïï cuɔɔr ke ŋueet.

1 Mel 21:24

Ku raanden ë yï Aɣap bï thou ë pänydïtic abïï jɔ̈k cuet, ku raan lɔ thou roor abïï diɛt ŋueet.”

2 Mel 13:3

Go Bɛ̈nydït jɔ gɔ̈th kekë Yithriɛl, ago keek aa tɔ tiɛɛm ë Ɣadhiɛl melik de Thiriya kekë wëndɛn Benɣadad ananden.

2 Mel 9:37

Ku guöp de Jedhebel, abï ciët wɛ̈ɛ̈r ë weŋ ë tiɔp nɔm domic, në aken ë Jedhreel nɔm, ku acïn raan bï ye ŋic ku cïn raan bï ye lueel an ee guöp de Jedhebel ee kënë.”’

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Jop 9:13

Nhialic acïï agönhde ë pɔ̈lic, ayï kɔc ee ŋuäldïït wïïr cɔl Raɣap luööi, ayek kenïïm guöt piny ë Yecök.

Diɛt 106:40

Ëtɛ̈ɛ̈n Nhialic acï piɔ̈u bɛ̈n diu kekë kɔcke, ago kɔcke maan.

Diɛt 114:7

Ago piny rɔt nieeŋ në riɔ̈ɔ̈c de bɛ̈n ë Bɛ̈nydït, de bɛ̈n ë Nhialic de Jakop,

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Diɛt 68:8

Piny aye lath, ku të nhial ee deŋ luööŋ piny, në biäk de bɛ̈n ë Nhialic de Thinai. Go kuur ë Thinai lath në Nhialic nɔm, Nhialic de Yithriɛl.

Diɛt 77:18

Awuɔɔu de reldu ë rɔt lɔ̈ɔ̈r bei, ku nyop wil de deŋ pinynɔm ëbɛ̈n, go piny lath ku nieŋë.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 83:10

Acï keek tiaam në Endor, ago gupken bɛ̈n dhiap piny.

Bɛ̈n 7:19

Ku lëk ë Bɛ̈nydït Mothe an, “lɛ̈kë Aron ë nöm thienyde, ku ë yɛɛk nhial ë pïïu ke Rip nïïm ëbɛ̈n, pïïu ke wɛ̈ɛ̈r, ku pïïu ke liɛl, ku pïïu ke wëk, ku pïïu ke awuul, ke pïïu ë ke bï röt puk aye riɛm piny ë Rip ëbɛ̈n, alɔ gut ë pïïu nu në tönyiic, ku thɛ̈kiic në ɣöötiic.”

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 14:19

ku yïn cïn nɔm raŋ, guöpdu ë cuat wei cï mɛnh athɔ̈ɔ̈r bei, acï kum në gup ke rem de tɔŋ cï keek nɔ̈k tɔŋ, go cuat ë pul ë kuuric në keek ëtök, ku jɔ ke dumiic.

Yith 23:11

Bɛ̈nydït ë Yecin riɛny ë wɛ̈ɛ̈r nɔm, ku jiëp ciɛɛŋ piny. Ë kɔc ke Kanaan yɔ̈ɔ̈k bïk ɣään ke ɣööc riɔ̈ɔ̈k.

Yith 25:11

Abïk kecin aa riny cï ka kuaŋ, ku abï Nhialic ke kuɔɔr piny, ku abïk cin dïïr ke cïn kë lëukï.

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 42:25

Ago wook tɔ yök rac de agönhde ku gumku akuöörkuöör de tɔŋ. Go agönhde dëp cï mac në Yithriɛl yic ëbɛ̈n, ku wok kuc kë loi rɔt, acïn kë cïï wok wëët në ye yic taitai.

Yith 51:20

Në aguuk ke kuɛɛr kedhie, kɔckun ayek wïïk në kɔ̈c cï kek kɔ̈c, acïk ciët ŋeer cï dɔm në wïn yëëp. Acïk riɛl de agönh ë Nhialic jɔ yök thok.

Yith 64:3

Ade kööl cïï yïn kɔn bɛ̈n, ku loi kake riɔ̈ɔ̈c ka kënku keek kɔn tak, kur acïk yïn tïŋ ku lɛthë keek në riɔ̈ɔ̈c.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Yith 9:11

Bɛ̈nydït ë kɔc ke aterden jat nhial bïk keek mak.

Yith 9:16

Kɔc wat kɔc acïk kɔc mɔ̈ɔ̈r taitai ku kɔc acïk nïïm mum.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Yith 9:21

Kɔc ke Manatha ku kɔc ke Eparaim abïk röt mak piɔ̈tkï, ku bekï mat ëtök ku mɛkkï Juda. Ku ŋoot agönh ë Bɛ̈nydït ke cïï thök, aŋoot ke nu ciin biic ke kɔɔr bï këtuc looi.

Jeremia 15:3

Acä guiir Yɛn Bɛ̈nydït nɔn bïï karil yiic kaŋuan rö luöi keek: Abï keek nɔ̈k në abätäu, gupken abïï jɔ̈k keek thɛl wei, abïï diɛt keek ŋueet, ku läi roor abïk ka cï döŋ cuet.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Jeremia 4:24

Ku tiëŋ kur ke ke lɛthë, ku kur kor ayek röt jäp ciëën ku tueŋ.

Jeremia 4:8

Ka tääukï lupɔɔ ke cual në we kɔ̈ɔ̈th, ku dhiaukï, ku dhuöörkï, në biäk kën agönh tuc de Bɛ̈nydït thök, akën rɔt yal wei në Juda.

Jeremia 6:12

Ɣöötken abï keek gäm kɔc kɔ̈k, ayï duumken ayï diëërken. Yɛn bï kɔc ke ee piny luöi këtuc.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jeremia 9:22

Gup ke kɔc cï thou acïk wɛɛr piny ëbɛ̈n, cï kuut de tiɔɔm awäi domic, cï rɛɛp cï tem ku nyiëëŋ ë ke piny ë kɔc ee tem, rɛɛp cïn raan ee ke määt yiic. Kënë lëkë Bɛ̈nydït yɛn ka bä bɛ̈n lueel.”

Dhiëëu 5:22

Ku cï wo rɛɛc aɣet athɛɛr? Agönhdu ee kë cïn pëk?

Edhekiɛl 15:6

Ënɔɔnë kë ye Bɛ̈nydït Awärjäŋ lueel kï an, “Cït man ye enap nyuaar roor ku nyop, yen ee täu bän kɔc ke Jeruthalem jɔt,

Edhekiɛl 30:25

Ɣɛɛ, abä tɔ kɔ̈c ku ta melik de Babilonia ril. Të lan yen gäm abätäudï ku nyooth nɔm Rip, abï ë raan ëbɛ̈n ŋic nɔn ee yɛn Bɛ̈nydït.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Amoth 8:8

Ku piny abï rɔt nieeŋ, ka raan nu pinyden ëbɛ̈n abï dhiau. Ku këriëëcde ëbɛ̈n abï miakic, abï aa laŋ nhial ku lɛŋë piny cït man ë pïïu ke Kiir de Rip.

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Naɣum 1:5

Kur ayek röt nieeŋ në Yenɔm, ku lɛ̈ɛ̈ŋ kur kor. Piny aye lath të tɔ̈u En thïn, ayï kɔc cieŋ pinynɔm kedhie aye keek lath aya.

Ɣabakuk 3:10

Të cïï kur Yïn tïŋ aye ke lath, Yïn ë pïïu wäl piny nhial. Piääu dït riŋ piny ayek roor, ku moc apiöŋ ë wɛ̈ɛ̈r rɔ nhial ya.

Dhep 1:17

Aye Bɛ̈nydït lueel an, “Yɛn bï ee riäŋë yiɛ̈n mɛnh ë raan, ka raan ëbɛ̈n abï cath ëpäthpäth cï cɔɔr, në luɔi cïï kek A luöi awäc, ka rimken abïk wat cï pïïu ku jɔ gupkɛn cï thou dhɔt piny ke ke cï ŋuäc.

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?

Nyöŋ 31:18

Ku ë yic ë köölë yɛn bï thiaan në keek, në biäk de karɛckɛn cïk looi ëbɛ̈n, ë gɛm cï kek röt gäm yiëth kɔ̈k.

1 Theth 2:16

Ayek wook pɛ̈n guiëër guïïr wok Juöör jam ë kuny bï ke kony wëi: yen aye kek karɛcken kut nïïm ëcaŋɣɔn: ku agɔ̈th acï bɛ̈n tëde keek ka cïn kë ye döŋ.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.