Yith 5:22 - JAM DE NHIALIC 2011

²² Amawoou në week! Wek jööt ril ke mɔ̈u ku yak wiɛɛt në ë mäu tuc cï määt nïïm!

Yith 5:22 ပူးပေါင်းရင်းမြစ်များ

1 Mel 20:16

Aake gɔl mɛk de pänydït ke akɔ̈l ë kääc cil, ke Benɣadad cï dek ka cï wiɛɛt ë paanyde yic kekë bäny kɔ̈k mät në yen kathiërdiäk ku rou.

Bɛ̈n 23:8

Du yïthok ee tɔ kum, kumthok ee raan tɔ bai yic, ku mɛ̈ɛ̈r yic de kɔc cïn guöp awäc.

Kɛ̈ŋ 20:1

Mɔ̈u ade guöp agɛɛt ayï mɔ̈n tuc ee kɔc kɛ̈ɛ̈k, raan ëbɛ̈n raan ee rɔt tɔ thel ë mɔ̈u wei acïï nɔm pel.

Kɛ̈ŋ 23:29

Ee yï ŋa nu ë nuanic? Ku ee yï ŋa tɔ̈u ë dhiëëuwic? Ku ee yï ŋa ee nu agööthiic? Ku ee yï ŋa ee gööny? Ku ee yï ŋa ee bɔ̈ɔ̈tdït yök në ka ɣääriic? Ku jɔ aa yï ŋa ee nyïïn cɔ̈p në rim?

Kɛ̈ŋ 31:4

Meliik ayï bäny acïkï rɔ̈ŋ në dëŋ ë mäu ayï mɔ̈n tuc.

Kɛ̈ŋ 31:5

Dëk ee keek tɔ mär nïïm në lööŋ cï tääu piny, ku mär yiny de kɔc kuanynyïïn.

Yith 22:13

Ke we dɔl ku luɔikï dhuëëŋ de miɛtëpiɔ̈u. Wek cï thök ku ɣɔ̈k nɔ̈k bäk keek cuet, ku dɛ̈kkï ë mɔ̈u. Ku yak lueel an, “Bäk ciëmku ku dëkku në luɔi bï wok thou miäk.”

Yith 24:9

Acïn din de miɛtëpiɔ̈u bï bɛ aa ket ë mɔ̈u nɔm, acïn raan be miɛt de mɔ̈n tuc bɛ thiëëp.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 5:11

Amawoou! Në kɔc ee röt jɔt miäk aduur ke ke lɔ dek ë mɔ̈n tuc, ku ruukï ke ke dek abï piny dït, abï mɔ̈u ke tuööc cït many dɛ̈p.

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Ɣabakuk 2:15

Amawoou në week, wek kɔc cï wuöt thiääk në week kuɔɔr piny ku takï keek yäär, ku jakï keek tɔ cath ë käŋkäŋ cï ka cï wiɛɛt.