Yith 5:15 - JAM DE NHIALIC 2011

¹⁵ Raan ëbɛ̈n abï biɔɔn guöp, ku kɔc ee kenïïm mɔ̈k nhial në dït enɔm abï ke kuɔɔr piny.

Yith 5:15 ပူးပေါင်းရင်းမြစ်များ

2 Tham 22:28

Yïn ee kɔc ee röt kuɔɔr piny kony, ku Yïn ee kɔc ee röt lɛɛc kuɔɔr piny.

Diɛt 131:1

Yɛn cï lɛcdï pɔ̈l Bɛ̈nydït, yal rɔt wei në kakiën ke lɛc yiic. Yɛn cie bɛ diɛɛr në biäk de kadït ku nɔn jam ë ka ril yiic cä ke duëër lëu.

Diɛt 62:9

Kɔc kedhie acïtkï wëi, në pial, röördït ku kɔc kor acïnkï naamden. Na them ke në athëm, acïnkï kuën, keek apiɔlkï awär wëi.

Bɛ̈n 9:17

Ke yï go yïnɔm ɣääc, ku pɛ̈në kɔckï jäl.

Kɛ̈ŋ 30:13

Ade kɔc kɔ̈k ee kenïïm ɣääc, ku ayek daai ke ke biɔn kɔc gup.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 10:33

Ku abïï Bɛ̈nydït de rɛm ke bɛ̈ɛ̈i piny ke ke dhuuŋ cït man ë kër yep në tim nɔm. Kɔckɛn ee kenïïm ɣääc ku kɔc bäny ë keyiic abïï ke tɛm piny ku abï ke kuɔɔr piny.

Yith 13:11

Aye Bɛ̈nydït lueel an, “Yɛn bï riääk bɛ̈ɛ̈i piny ku luöi këtuc kɔc ee karɛc looi ëbɛ̈n, në biäk de karɛckɛn. Yɛn bï raan ëbɛ̈n kuɔɔr piny raan ee yenɔm ɣääc, ku luöi këtuc raan de guöp lɛc ee kɔc kuur.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 2:17

Dït enɔm de mɛnh ë raan abï tɔ kääc, ku riäk lɛcden. Yiëth ye lam abïk määr taitai,

Yith 2:9

Raan ëbɛ̈n abï dhɔ̈l guöp ku jɔ aa woi ke cïn naamde. Du ke pɛ̈l awäc Bɛ̈nydït!

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Yith 37:29

Yɛn cï awerek jam në luɔi mëën yïn we Yɛn yök, ku lɛc leec yïn rɔt, ku ënɔɔnë yïn bä gɔn wum në alabithɔ, ku mäc yïthok joth, ku jat yïn pɔ̈k yïnɔm në kueer ɣɔn bï yïn.”

Jeremia 5:9

Cä keek duëër luöi këtuc në biäk de ee kënë, ku ja guur looi në jur cït ee kënë?

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.