Yith 5:14 - JAM DE NHIALIC 2011

¹⁴ Paan ë thuɔɔu acïï cɔk dɔm në këden, acï yethok ŋaam arëët. Abï bäny ke Jeruthalem liek ëtök në kuut ke kɔc baai lɔ ke ke wou.

Yith 5:14 ပူးပေါင်းရင်းမြစ်များ

Diɛt 49:14

cït man de amɛ̈l cï lɔ̈c thuɔɔu, thuɔɔu yen abï aa tïnden. Abïk lɔ paan ë thuɔɔu raan tök, kɔc lɔ piɔ̈ɔ̈th wai abïk nu në kenïïm, ku gupken abïk riääk, paan ë thuɔɔu abï aa baaiden.

Diɛt 55:15

Tɔ thuɔɔu jɔt kɔc ke aterdï ëthiäu, tɔ ke lɔ piny paan ë thuɔɔu ke ke pïïr, tɔ ke lɔ ë rɛ̈ŋken yiic në riɔ̈ɔ̈c!

Kɛ̈ŋ 1:12

Abuk keek yök apïïr ku piɛthkï, ku abuk keek nɔ̈k ëthiäu, ku tɔku ke lɔ piny thar ya paan ë thuɔɔu.

Kɛ̈ŋ 27:20

Riääk kekë paan ë thuɔɔu acïkï ee kuɛth, yen acït täu de raan.

Kɛ̈ŋ 30:16

paan ë thuɔɔu, ku tiiŋ rɛ̈ɛ̈r, ku piny cï yaak, ku many dɛ̈p ke cïï liu.

Yith 14:11

Yïn aaye dhuëëŋ guöp në kɛŋ ku thoom, ku ënɔɔnë yï kï ee tënë paan ë thuɔɔu. Yïn cï tɔ̈c në biöŋ de ruöi nɔm, ku kuömë në lupɔ de käm.”’

Yith 14:9

“Paan ë thuɔɔu ë rɔt kiëët ke loor melik de Babilonia nɔm. Atïïp ke kɔc ril ɣɔn nu ë piny nɔm adɛɛikï piny. Atïïp ke meliik ke juöör ajɔtkï röt në thöcken nïïm.

Yith 21:4

Yɛn ë piɔ̈u päu ku lɛthë ya në riɔ̈ɔ̈c. Yɛn aa kɔɔr luɔi bï wakɔ̈u bɛ̈n, ku acïn kë cï yiɛ̈n ɛn ee riɔ̈ɔ̈cdït yen ë bïï.

Yith 24:8

ka kɛ̈t de miɛtëpiɔ̈u de thom kekë lɔ̈r acïk kɔ̈ɔ̈c.

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Edhekiɛl 7:12

Akööl acïk bɛ̈n. Akööl acïk thiɔ̈k, akööl bïï ɣɛɛc ku ɣööc de käŋ ciën naamden, në biäk bïï agönh ë Nhialic lööny ë kɔc yiëth kedhie athöŋ.

Danyel 5:30

Ku në ë wɛ̈ɛ̈r töŋë yic Belcadhar melik de Babilon acï bɛ̈n nɔ̈k.

Naɣum 1:10

Na wek cak röt duut cït rɔŋ de kou, ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

Ɣabakuk 2:5

Kuɛth ë mɔ̈u ee mɛth, ku röördït piɔ̈ɔ̈th ayek kenïïm ɣääc ku acïkï ee lɔ̈ŋ cït man ë paan ë thuɔɔu guöpde, acïkï ee kuɛth. Yeka ye kek juöör ke pinynɔm määt yiic ku pëckï ke röt.

Math 7:13

Tɛ̈kkï ë kal thok, thoŋ kooric, kal adït thok, ku kueer alääuwic kueer lɔ të nu riääk, ku kɔc ee tëëk thïn ajuëckï.

Luk 17:27

Aake ye cam, ku yek dek, ku yek thiëëk, ku yeke thiaak, aɣet kööl ɣɔn le Nowa ë abëlic, ku jɔ amool bɛ̈n, bï ku nɛ̈k keek kedhie.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.