Yith 5:11 - JAM DE NHIALIC 2011

¹¹ Amawoou! Në kɔc ee röt jɔt miäk aduur ke ke lɔ dek ë mɔ̈n tuc, ku ruukï ke ke dek abï piny dït, abï mɔ̈u ke tuööc cït many dɛ̈p.

Yith 5:11 ပူးပေါင်းရင်းမြစ်များ

2 Tham 19:35

Yɛn cï run guɔ aa thiërbɛ̈t, ka cïn kë be yɛn aa tɔ mit piɔ̈u. Yɛn cïï pïïu ya dek ayï këcam ee yɔ̈k miɛt ë yathok, ayï kɔc kët acä keek ee piŋ röt. Ee yïn bä lɔ nuaan.

Kɛ̈ŋ 20:1

Mɔ̈u ade guöp agɛɛt ayï mɔ̈n tuc ee kɔc kɛ̈ɛ̈k, raan ëbɛ̈n raan ee rɔt tɔ thel ë mɔ̈u wei acïï nɔm pel.

Kɛ̈ŋ 23:32

Na lɔ piny ruu, ke jɔ gut cït man ë kërac de thok wurïï.

Yith 22:13

Ke we dɔl ku luɔikï dhuëëŋ de miɛtëpiɔ̈u. Wek cï thök ku ɣɔ̈k nɔ̈k bäk keek cuet, ku dɛ̈kkï ë mɔ̈u. Ku yak lueel an, “Bäk ciëmku ku dëkku në luɔi bï wok thou miäk.”

Yith 24:9

Acïn din de miɛtëpiɔ̈u bï bɛ aa ket ë mɔ̈u nɔm, acïn raan be miɛt de mɔ̈n tuc bɛ thiëëp.

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Yith 28:3

Lɛc de bäny ee wiɛɛtë abïï duöm piny ë kɔc cök.

Yith 5:22

Amawoou në week! Wek jööt ril ke mɔ̈u ku yak wiɛɛt në ë mäu tuc cï määt nïïm!

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Ɣabakuk 2:15

Amawoou në week, wek kɔc cï wuöt thiääk në week kuɔɔr piny ku takï keek yäär, ku jakï keek tɔ cath ë käŋkäŋ cï ka cï wiɛɛt.

Ɣabakuk 2:5

Kuɛth ë mɔ̈u ee mɛth, ku röördït piɔ̈ɔ̈th ayek kenïïm ɣääc ku acïkï ee lɔ̈ŋ cït man ë paan ë thuɔɔu guöpde, acïkï ee kuɛth. Yeka ye kek juöör ke pinynɔm määt yiic ku pëckï ke röt.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

1 Kor 6:10

ayï cuɛ̈ɛ̈r, ayï kɔc ee wëu nhiaar, ayï kɔc ye mɔ̈u wit, ayï kɔc ë kɔc läät, ayï kɔc ë kɔc rum, keek kedhie, acïkï ciɛɛŋ de Nhialic bï lɔ̈ɔ̈k lak.

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

1 Tham 25:36

Na wën le Abigail tëde Nabal, go yök ke loi gökdïït de dhuëëŋ cït man ë kë de melik, aacï wiɛɛt aläl, go ciën kë lëk en agut të le piny ruu.