Yith 49:7 - JAM DE NHIALIC 2011

⁷ Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 49:7 ပူးပေါင်းရင်းမြစ်များ

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

Diɛt 47:9

Bäny ke juöör acïk kenïïm kut, në kɔc ke Nhialic de Abraɣam. Raan ril wär rɛm ke tɔŋ kedhie ee Yen, Raandït nu ë kɔc nïïm kedhie.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Diɛt 69:19

Yïn ŋic luöi cï ya läät, ku luöi cï ya yɔ̈ɔ̈r guöp, ku biön cï ya biɔɔn, Yïn woi kɔc ke aterdï kedhie.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 19:21

Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Yith 19:23

Të lee köölë bɛ̈n, abï dɛ kueer lääuwic në kaam de Rip ku Athiriya. Kɔc ee wuötkë kaarou abïk aa lɔ ku lek bɛ̈n në kɛmken, ku ee juöör kaarou abïk aa lam ëtök.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 48:17

Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 48:7

Ee nɔɔnë tei yen ata yɛn ke tɔ tul, acïn kë cït ee kënë cï rɔt kɔn looi thɛɛr. Na ë cï rɔt kɔn looi, aduëërkï lueel an ŋiɛckï keek ëbɛ̈n.

Yith 49:1

Piɛŋkï kë luɛɛl, wek juöör mec, wek kɔc rɛ̈ɛ̈r të mec! Wään kën ë ya dhiëëth, Bɛ̈nydït acï ya lɔc ku kuɛny yɛn ke ya ye awunde.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 50:6

Yɛn cï a kɔ̈u yɔ̈t kɔc ee yɛn dui. Akɛ̈n ke jɔ̈ɔ̈ny wën lɛ̈ɛ̈t kek ɛn, wën cuɛ̈n kek nhïm ke yanök bei, ku ŋuutkï yanyin.

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Yith 60:10

Aye Bɛ̈nydït lɛ̈k kɔc ke Jeruthalem an, “Alɛi abïk pänydu nyɔk në yïk, ku meliikken abïk week luööi. Në agönhdï wek bä luöi këtuc ku ënɔɔnë wek bä guɔ nyuöth nhiëër ku kok de piɔ̈ndï.

Yith 60:16

Juöör ku meliik abïk diɛɛr në yïn cït wën ee man meth mɛnhde ŋiëc muk. Abä ŋic nɔn yen ɛn Bɛ̈nydït, Yɛn ë kony yïn, nɔn cï Awärjäŋ Nhialic de Yithriɛl yïn gäm nɔm lääu.

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Math 26:67

Gokï ŋuööt nyin, ku guutkï ë kecin, ku mɛŋ kɔc kɔ̈k ë kecin,

Luk 22:27

Ku eeŋa dït, raan ee rëër tën ee cam, ku ye raan ë kɔc luööi? Cie raan ë rëër tën ee cam? Ku yɛn ee tɔ̈u ë weyiic cil cït raan ee kɔc luööi.

Luk 23:18

Gokï cööt ë röl tök an, “Nyaaiyë raanë, ku luönyë wook Barabath.”

Luk 23:23

Gokï ŋak nɔm ë röl dït, ke läŋkï an, bï piäät ë tim cï rïïu nɔm kɔ̈u. Go Pilato tiaam ë rölden.

Luk 23:35

Ku kääc kɔc juëc ë ke daai. Go bäny ceŋ piny gokï geet guöp aya, luelkï an: “Acï kɔc kɔ̈k kony, tɔ kony rɔt, tën ee yen Kërtho de Nhialic, raandɛn cï lɔc!”

Jɔn 18:40

Agokï bɛ cööt kedhie an, “Acie raanë! Ee Barabath!” (Ku Barabath ee raan ee kɔc rum.)

Jɔn 19:15

Agokï cööt an, “Nyaaiyë! Nyaaiyë! Piäätë!” Go Pilato ke thiëëc an, “Bä Melikdun piäät?” Go bänydït ke ka ke Nhialic bɛ̈ɛ̈r an, “Wo cïn melik däŋ, ee Kaithar etök!”

Jɔn 19:6

Na wën, aacï bänydït ke ka ke Nhialic ku bäny ke rem de Luaŋdït e tïŋ, ke ke cöt an, “Piäätë, piäätë!” Go Pilato ke yɔ̈ɔ̈k an, “Nämkï week, ku piäätkï. Acïn awäny cä yök tëde yen.”

1 Kor 1:9

Nhialic ee Raan adöt, Raan cï we cɔɔl në këde määth de Wëndɛn Yecu Kërtho Bɛ̈nydïïtda.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: