Yith 49:23 - JAM DE NHIALIC 2011

²³ Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 49:23 ပူးပေါင်းရင်းမြစ်များ

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

Cäk 43:26

Na wën, aa bɔ̈ Jothep, ke yïnkï miɔ̈c ɣööt thïn, ku gutkï kenïïm piny në yenɔm.

Diɛt 138:4

Bɛ̈nydït, meliik ke pinynɔm ëbɛ̈n abïk yïn leec, në biäk cï kek gutguutdu piŋ.

Diɛt 25:3

Ee yic, acïn raan ee Yïn ŋɔ̈ɔ̈th ee yäär, ee kɔc ee Yï dap rɛɛc thok kek ee yäär.

Diɛt 34:22

Bɛ̈nydït ee kɔcke kony, acïn raan töŋ bï këtuc yök në kɔc ee yen ŋɔ̈ɔ̈th.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Diɛt 69:6

Du kɔc ee Yïn ŋɔ̈ɔ̈th tɔ yäär në biäkdï, Bɛ̈nydït Nhialic Awärjäŋ! Du kɔc ee Yïn lam tɔ yäär gup në biäkdï, Nhialic de Yithriɛl!

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 14:2

Kɔc juëc abïk keek kuɔny ke ke bï lɔ piny cïï Nhialic gäm keek, ku ëtɛ̈ɛ̈n juöör abïk baai de Yithriɛl aa luööi cï lïïm. Ku kɔc wään cï ke kɔn peec, ënɔɔnë abï Yithriɛl ke bɛ peec, ku abïk kɔc wään cï keek kɔn yɔŋ bɛ cieŋ.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Yith 29:22

Ku ënɔɔnë Bɛ̈nydït Nhialic de Yithriɛl ɣɔn kony Abraɣam në nuanic, aye lueel an, “Kɔckï wek cïï gup bï bɛ yäär anandun, ku wek cïï wenïïm bï bɛ guöt piny në ayäär.

Yith 41:20

Kɔc abïk ee kënë tïŋ ku abïk ŋic nɔn ee Yɛn Bɛ̈nydït Yɛn aa loi yen. Abïk jɔ yökic, nɔn yen Nhialic Ɣeric de Yithriɛl, yen aa tɔ ye loi rɔt.”

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 50:7

Ku lɛ̈ɛ̈tken acïï ya bï gäm jiɛthëpiɔ̈u në biäk ye Bɛ̈nydït Awärjäŋ ya kony. Guɔ yapiɔ̈u ruut bä ke guum. Aŋiɛc nɔn cän bï yäär,

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Yith 52:6

Në akööl bɔ̈ tueŋ abäk jɔ ŋic nɔn ee Yɛn Bɛ̈nydït Awärjäŋ, ku ee Yɛn ë jam wo week.”

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 60:16

Juöör ku meliik abïk diɛɛr në yïn cït wën ee man meth mɛnhde ŋiëc muk. Abä ŋic nɔn yen ɛn Bɛ̈nydït, Yɛn ë kony yïn, nɔn cï Awärjäŋ Nhialic de Yithriɛl yïn gäm nɔm lääu.

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 62:2

Jeruthalem, juöör abïk tiëmdu tïŋ! Meliikken kedhie abïk dhuëëŋdu tïŋ. Yïn bï ya cɔl në rin cï piac cak, rin ë gëm Bɛ̈nydït ke yïn guöpde.

Yith 64:4

Acïn raan töŋ cï Nhialic cït yïn kɔn tïŋ ku acïn raan cï ye kɔn piŋ, raan ee ka cït ee kake luöi kɔc cï aŋäthden tääu ë yeguöp.

Edhekiɛl 37:6

Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Jowɛl 2:27

Yen abä wek en jɔ ŋic nɔn nu Yɛn ë weyiic, wek Yithriɛl, ku ŋiɛckï nɔn Yan Bɛ̈nydït Nhialicdun Yatök acïn raan däŋ pei. Kɔckï acïï keek bï bɛ biɔɔn gup ananden.

Maika 7:17

Abïk aa ɣöc piny cït karɛc, ku molkï piny cït käm. Juöör abïk bɛ̈n bei në ɣäänkɛn ke thiaan yiic ke ke lɛthë. Ku pukkï kenïïm Bɛ̈nydït Nhialicda ke ke cï riɔ̈ɔ̈c në Yen.

Kuɛ̈n 11:12

Ee yɛn ë cak keek? Ee yɛn ë dhiëth keek? Ka eeŋö tɔ yïn ke guööc cït man ye awut meth boom në yeyɔu, abïk ɣet piny ɣɔn bï yïn kuëëŋ an bä gäm kuarken?

Math 25:16

Na wën, ke raan wën cï gäm aguum kadhïc, ke lɔ, go käŋ ɣɔɔc në keek, ago aguum kadhïc ke wëu kɔ̈k yök ayadäŋ ë ɣööcic.

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Romai 9:33

acït man cï e gɔ̈ɔ̈r an, “Tiëŋkï, yɛn ë kuur ë kɔ̈th tuɛɛl ë Dhiɔnic, ku ye kuur dïït ee kɔc tɔ kɔ̈th arëët, Ku raan ëbɛ̈n raan gam en, acïï bï yäär.”

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.