Yith 49:2 - JAM DE NHIALIC 2011

² Acï wël ke yɛn thok tɔ moth cï abätäu. Ee yɛn gël në yeciin. Acï yɛn tɔ cït winh ë dhaŋ, moth cï coc ku moc.

Yith 49:2 ပူးပေါင်းရင်းမြစ်များ

Diɛt 91:1

Raan ëbɛ̈n raan ee lɔ thiaan tëde Bɛ̈nydït, raan ëbɛ̈n raan ye Nhialic Awärjäŋ gël.

Bɛ̈n 33:22

Na ë lë atëk dhuëëŋdï, yïn bä tääu ë köŋ ë kuuric, ku gɛ̈l yïn në Yaciin abä kɔn tëëk.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Jeremia 1:18

Piŋ Jeremia, yïn cä tɔ ye pänydït cï gël ee köölë, ku ta yïn ee mën de wëëth ku kal de maläŋ! Raan ëbɛ̈n raan tɔ̈u ee pinyë nɔm, meliik ke Juda, ku bäny ke luɔi, ku bäny ke kake Nhialic, ku jɔ ya kɔc, abïk yï maan.

Ɣodh 6:5

Yen acän week tuöc tïtkiën ke Nhialic në jam de luɔi de këtuc kekë riääk. Kë kaar tëde week ee kë tiëc yic ku le gɔk.

Ɣabakuk 3:11

Të moc ë winh ë dhaŋduön ŋic riŋ ku ariauriau de tɔŋduön ee lɔ bërët, akɔ̈l kekë pɛɛi ayek kɔ̈ɔ̈c ke ke cïï cath.

Luk 23:46

Na wën, ke Yecu cöt ë röl dït, lueel an “Wäär, wëikï a tääu keek ë yïcin!” Ku të cï en wëlkë lueel, ke jɔ thöök.

Epethiei 6:17

Ku nämkï akup de kunydewëi aya, kekë abätäu de Wëidït, yen aye jam de Nhialic.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 2:12

Ku gäär tunynhial de ɣön ë Nhialic nu Pergamo alë: Kakë aluel raan keek, raan muk abätäu moth ë thook kaarou:

Nyuuth 2:16

Yen puk yïn yïpiɔ̈u, be, an, jai, ke yɛn bï dap bɛ̈n tëde yïn, bä bɛ̈n biök wo keek në abätäu de yɛnthok.