Yith 49:19 - JAM DE NHIALIC 2011

¹⁹ “Pinydun aacï riɔ̈ɔ̈k ku abï döŋ ke ye jɔ̈ɔ̈r, ku ënɔɔnë abï kuur tëde kɔc bï bɛ̈n rëër ëtɛ̈ɛ̈n. Ku kɔc ë nyääŋ we piny në riääk yic abï ke nyaai në weyiic ku leerë keek tëmec.

Yith 49:19 ပူးပေါင်းရင်းမြစ်များ

Diɛt 124:3

adï cïk wook liek apïr, në agönhdɛn dïït göth kek ë wook,

Kɛ̈ŋ 1:12

Abuk keek yök apïïr ku piɛthkï, ku abuk keek nɔ̈k ëthiäu, ku tɔku ke lɔ piny thar ya paan ë thuɔɔu.

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 3:8

Ɣɛɛ, Jeruthalem ariäk! Ku Juda awiëëk! Në biäk ye kek Bɛ̈nydït wööc piɔ̈u në jam ku luɔi de këriëëc ëbɛ̈n, ku lɛ̈ɛ̈tkï Nhialic Guöpde në dhuëëŋ de yic në kɔc nïïm.

Yith 49:17

“Kɔc bï yï bɛ̈n bɛ yïk abïk bɛ̈n ee nïnkë yiic, ku kɔc ë riäk yïn abïk jäl.

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 51:33

Abïï kɔc ke ater keek dhuɔŋ piny ënɔɔnë, ku dum keek yiic cït man ye anyuɔl kɔ̈ɔ̈m ë jöŋic. Acä lueel Yɛn Bɛ̈nydït de rɛm, Nhialic de Yithriɛl.”

Jeremia 51:44

Yɛn bï Bel luöi këtuc, yanh de Babilonia, ku abä tɔ gɛm wëukɛn cï kual, ku acïï juöör yen bï bɛ aa lam. “Kɛ̈l ke Babilon acïk wïïk.

Edhekiɛl 36:3

“Cäärë, ëtɛ̈ɛ̈n, ku caalë kë luɛɛl Yɛn Bɛ̈nydït Awärjäŋ. Të le juöör thiɔ̈k we peec ku rumkï kur ke Yithriɛl, keek kedhie acïk Yithriɛl läät.

Dhek 10:10

Abä keek bɛ̈ɛ̈i ciëën Rip ku määt keyiic në Athiriya, ku bä ke tɔ piäät Giliyad kekë Lebanɔn ayadäŋ, ka piny ëbɛ̈n abï thiäŋ kekë kɔc.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Dhek 2:4

Ku lëk en an, “Kɔt, lɔ lɛ̈kë ee wën dhuŋ muk wïn ë thëm an, Jeruthalem abï yïk cït man ë bɛ̈i, ka acïn kal bï yïk, ku abï thiäŋ ke kɔc juëc arëët, ku ɣɔ̈k juëc.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.