Yith 49:18 - JAM DE NHIALIC 2011

¹⁸ Caathë yïnyin ku tïŋ kë loi rɔt! Kɔcku amɛ̈ɛ̈tkï röt ke ke bɔ̈ ciëën pinyden! Ke ya ye Nhialic pïïr ë yic, yïn bï rɔt lɛɛc në kɔcku, cït man ye nyan kaman rɔt lɛɛc në atekkɛn ceŋ keek.

Yith 49:18 ပူးပေါင်းရင်းမြစ်များ

Cäk 13:14

Ɣɔn cï Lɔt puɔ̈k ke Abram, ke lëk ë Bɛ̈nydït Abram an, “Jatë yïnyin nhial, ku caathë piny nɔm ëbɛ̈n në yïnyin ke yï kääc ë tëduönë. Woi të lɔ rut, ku të lɔ wöuwic, ku woi të lɔ aköl amiäk, ku të lɔ aköl athɛ̈i.

Cäk 22:16

lueel an, “Acï Bɛ̈nydït lueel an, Yɛn ë kuëëŋ në rinkï yatök në luɔi kën yïn Ɛn pɛ̈n wënduön töŋë.

Kɛ̈ŋ 17:6

Kɔcdït ayek aa dhuëëŋ në mïth ke mïthken, ku mïth ayek kenïïm lɛc në wärken.

Yith 45:23

Gutguutdiën cä lueel në piathëpiɔ̈u, ku acïï bï waar. Yɛn cï gutguut lueel në täudï ëbɛ̈n: Raan ëbɛ̈n abï bɛ̈n ku tuk yemiɔl ë yanɔm ku kuëëŋ nɔn bï yen A riëëu.

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 49:22

Acïï Bɛ̈nydït Awärjäŋ lɛ̈k kɔcke: “Yɛn bï kïït nyuöth juöör, ku abïk mïthkun pɔ̈k nïïm baai.

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 54:7

“Yïn aa nyääŋ piny në kaam thiinakäŋ, yïn bä pɔ̈k nɔm ciëën në nhiëër dït.

Yith 54:9

“Ɣɔn në run ke Nowa, Yɛn cï gutguut lueel, nɔn cän piny bï bɛ tɔ mol. Ku ënɔɔnë yɛn cï gutguut lueel nɔn cän bï bɛ gɔ̈th wo week, wek cä bï bɛ gɔ̈k ku cä we be luöi këtuc.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 31:8

Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Jeremia 43:12

Abï luɛ̈k ke yiëth ke Rip ɣɔ̈k mac, ku nyop ke piny, ku peec keek ke ke mac, ku abï piny de Rip kuany ke piɛth, cït man ye raan ee tïït lupɔde kuany ku teŋ ë nuöön, ku abï jɔ jäl ëtɛ̈ɛ̈n ë mät.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Kuɛ̈n 14:21

Ku ë yic, cït man täu Ɛn në ee pinyë nɔm, ku cït man bï kɔc ke piny nɔm thiäŋ në dhuëëŋdï kedhie,

Jɔn 4:35

Cäkï ee lueel an, “Ŋoot pɛ̈i wei kaŋuan, pɛ̈i ke tëm ë rap? Wɔikï, wek yɔ̈ɔ̈k an, ‘Jatkï wenyïïn nhial, ku wɔikï duum, acïk guɔ ɣɛɛr, acï aa të tem ëke!

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.