Yith 49:10 - JAM DE NHIALIC 2011

¹⁰ acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 49:10 ပူးပေါင်းရင်းမြစ်များ

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 25:4

Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 33:16

Ëtɛ̈ɛ̈n we bï kony, ka we bï ciët ka nu të cï gël. We bï nïïm dɛ këcam camkï ku pïïu dɛkï.

Yith 35:6

Ŋɔl abï kɛɛc nhial ku cöŋ, ku kɔc cïï jam lëu abïk kïïu në miɛtëpiɔ̈u. Awɛɛŋ ke pïïu abïk wat jɔ̈ɔ̈ric,

Yith 35:7

liɛɛt tuc dɛ̈p abï aa baar ë pïïu, ku piny ril abï thiäŋ kekë nyïïn ke pïïu. Të ɣɔn ye kɔ̈ɔ̈rgɔl cieŋ, wal juëc ku aguöt abïk cil thïn.

Yith 4:6

Dhuëëŋde abï pänydït aa gël në tuöc ë piny aköl, ku tɔ ye tëde thiaan, bï yen gël në deŋ kekë amaŋ.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 41:17

“Të le kɔckï pïïu lɔ kɔɔr, të cïï kek röt ril wei në rou, ke Yɛn Bɛ̈nydït, Yɛn bï lɔ̈ŋden piŋ, Yɛn Nhialic de Yithriɛl, Yɛn cïï kɔckï bï kɔn päl wei.

Yith 43:19

Wɔikï ka bä ke piac looi. Acïk röt guɔ looi, aduëër ë tïŋ ënɔɔnë! Yɛn bï kueer ee tëëk ë jɔ̈ɔ̈r yic looi, ku yiɛ̈n week nyïïn ke pïïu ëtɛ̈ɛ̈n.

Yith 48:17

Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Yith 51:14

Kɔc cï ke mac abïï keek lony, abïk pïïr ë run juëc abïk kacaamkɛn kɔɔrkï aa yök ëbɛ̈n.

Yith 52:12

Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Yith 54:10

Kur dït ku kur kor aduëërkï kuɛm, ku nhiëërdiën agɔk acïï bï kɔn jäl tëde we, Yɛn bï gutguutdiën de mät muk aɣet athɛɛr.” Yen kë lueel ë Bɛ̈nydït nhiaar week ka.

Yith 54:8

Yɛn cï rɔt rat wei në agɔ̈th në kaam thiin koor, ku yïn bä nyuöth nhiëërdï aɣet athɛɛr.” Yen kë cïï Bɛ̈nydït lueel ka raan ee yïn kony.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Yith 65:13

Ku ëtɛ̈ɛ̈n acä lɛ̈k week an kɔc bï a lam, ku yek wëlkï piŋ, abïk dɛk kacaam juëc ku kadekkï, ku wek bïï cɔk nɔ̈k ku rou. Abïk piɔ̈ɔ̈th miɛt, ku we bï gup yäär.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Jona 4:8

Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Jɔn 6:35

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.