Yith 48:9 - JAM DE NHIALIC 2011

⁹ “Ke kɔc ë ke bï rinkï leec, yɛn cï agönhdï dɔm ku bɛ kɔn takic, abä yök ke mɔ̈k ku cä we riäk.

Yith 48:9 ပူးပေါင်းရင်းမြစ်များ

Diɛt 106:8

Ku acï keek bɛ̈n kony, cït man ë gutguut cï looi, ago ke nyuöth riɛldɛn dït.

Diɛt 143:11

Döt wëikï Bɛ̈nydït në biäk de rinku, Në biäk de piathëpiɔ̈ndu bɛ̈ɛ̈i ë yɛn bei në nuanic!

Diɛt 25:11

Pälë yɛn awänydï Bɛ̈nydït, në biäk de rinku, në biäk juëc kek.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 79:9

Kony wook Nhialic, ku luäk wook, luäk ë wo bei në biäk de dhuëëŋ ë rinku, ku päl ë wo karɛckuɔ në biäk de rinku.

Kɛ̈ŋ 19:11

Pɛlënɔm acïï raan ee dap tɔ göth, ku ee dhuëëŋ të yen akɔ̈ɔ̈k täc nɔm.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 37:35

Yɛn bï ee pänydïïtë kony në biäk de dhuëëŋdï ku në biäk de gutguut cä lɛ̈k awundï Debid.’”

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 48:11

Kë ya looi, aa looi në biäk de guöpdï, yɛn cïï rinkï bï tɔ yäär, ku cä raan däŋ tɔ rɔm dhuëëŋ ke yɛn, abï dhil aa këdï yatök, ku ye këdï yatök.”

Yith 65:8

Aye Bɛ̈nydït lueel an, “Acïn raan ee enap piɛth riɔ̈ɔ̈k, ee mɔ̈u yen ye looi në keek. Ku yɛn aya yɛn cïï kɔckï bï riɔ̈ɔ̈k kedhie, yɛn bï kɔc ee ya luööi kony.

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Edhekiɛl 20:14

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya wɛ̈t Yithriɛl bei në Rip.

Edhekiɛl 20:22

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya bïï Yithriɛl bei në Rip.

Edhekiɛl 20:44

Të lan lɔ lui ke ya gël dhuëëŋdï, abäk ŋic wek baai de Yithriɛl nɔn aa yɛn Bɛ̈nydït, në biäk cän bï lui wo week cït man ë kë röŋ ke karɛc, ku kanhiany yak looi.” Bɛ̈nydït Awärjäŋ yen aa jam.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Edhekiɛl 36:21

Ku Yɛn diɛɛr në biäk de rinkiën ɣer yiic, ë luɔi cï baai de Yithriɛl ke tɔ yäär në juöör ë bïï kek thïn ëbɛ̈n.

Jocua 7:9

Abï kɔc ke Kanaan en jɔ piŋ, ku piŋ ë raan ëbɛ̈n, raan rɛ̈ɛ̈r ee pinyë, abïk wo gɛɛu piny ku näkkï wook wodhie! Ka bä dhuëëŋdu jɔ döt adï?”

1 Tham 12:22

Bɛ̈nydït acï kuëëŋ looi, ka cïï week bï nyääŋ piny. Acï Bɛ̈nydït tak bï week tɔ ye kɔcke