Yith 48:4 - JAM DE NHIALIC 2011

⁴ Aa ŋiɛc nɔn bïï wek riɛl ë nɔmdun nyuɔɔth, wek ril nïïm ëtör cï wëëth ku cäkï wenïïm ee waar cï maläŋ.

Yith 48:4 ပူးပေါင်းရင်းမြစ်များ

2 Mel 17:14

Ku keek acïkï ee piŋ, acï kenïïm tɔ ril cï kuarkɛn ɣɔn kën Bɛ̈nydït Nhialicden gam.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

Neɣe 9:28

Na lɔ mät bɛ̈n ke ke be awɛ̈ɛ̈c nyɔk në luɔi, ku be keek tɔ nyɔk ë pɛ̈c peecë keek në kɔc ke aterden. Na lek awɛ̈ɛ̈cken gam ku thiëckï Yïn bä ke kony paannhial, aye ke piŋ ku kony ke në thaar nyin ëbɛ̈n në kokdepiɔ̈nduön dït.

Diɛt 75:5

acä keek yɔ̈ɔ̈k, bïk lɛcden dɔ̈m kɔ̈ɔ̈c.”

Diɛt 78:8

Acïkï bï ciët kuarken, kɔc ee gäm rɛɛc ku cïnkï riëëu, kɔc wään cïï Nhialic ee ŋɔ̈ɔ̈th aril, ku cïkï piɔ̈ɔ̈th ee adöt në Yen.

Bɛ̈n 32:9

Yɛn ŋic riɛl ril ee kɔckë nïïm.

Bɛ̈n 33:3

Lakï piny ee wat ë ca ku miök ë kiëc. Wek ee kɔc ril nïïm, ka Yɛn cï bï lɔ wo week, ke we cä bï riɔ̈ɔ̈k kueer.”

Bɛ̈n 33:5

Në biäk cï Bɛ̈nydït Mothe yɔ̈ɔ̈k nɔn lëk en e keek an, “Wek ee kɔc ril nïïm. Na cath wo week na cakaa tëthiinakäŋ ke we duëër riɔ̈ɔ̈k taitai. Ku ënɔɔnë, bɛ̈ɛ̈ikï guëtkuön läk bei ke we bä luöi kë kaar bä looi.”

Bɛ̈n 9:7

Na wën, ke melik ë lop në kë cï rɔt looi. Go lɛ̈k en nɔn cïn en weŋ töŋ cï thou në ɣɔ̈k ke Yithriɛliic. Go ŋoot ke ril nɔm, ku cïï kɔc ke Yithriɛl päl ajäl.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 46:12

“Piɛŋkï këdï, wek kɔc ril nïïm, kɔc ee ye tak nɔn mec ë tiëm aläl.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Edhekiɛl 2:4

Keek arilkï nïïm, ku acïkï Yɛn ee riëëu, ka yïn tuɔɔc bä keek lɔ lɛ̈k, kë lɛ̈k keek, Yɛn Bɛ̈nydït Awärjäŋ.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Nyöŋ 10:16

Ka ënɔɔnë, gɔl ee köölë yak Bɛ̈nydïtdun riëëu, ku duökï nïïm be riɛl.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”