Yith 48:20 - JAM DE NHIALIC 2011

²⁰ Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 48:20 ပူးပေါင်းရင်းမြစ်များ

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

Edhr 2:1

Kɔc wään cï röt puk në pɛ̈cic në kɔciic, kɔc ɣɔn cï Nebukadnedhar, melik de Babilonia keek lɛɛr Babilon. Keek acïk röt puɔ̈k Jeruthalem ku Juda, ŋɛk ee lɔ wunden,

Diɛt 126:1

Wään cïï Bɛ̈nydït wo pɔ̈k nïïm ciëën Dhiɔn, aa cït nyuöth!

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 12:4

Ade kööl bɔ̈, kööl bïï röördït ket an, “Gɛ̈mkï Bɛ̈nydït lɛc! Calkï bï we kony! Lɛ̈kkï juöör kë cï looi ëbɛ̈n! Lɛ̈kkï luɔi dïït En!

Yith 24:14

Kɔc bï döŋ apïïr, abïk ket në miɛtëpiɔ̈u. Kɔc nu në lɔ de aköl athɛ̈i abïk dït ë Bɛ̈nydït leec,

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 42:10

Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Yith 48:6

“Ka ɣɔn cïï lueel kedhie acïk röt looi, abäk dhil gam nɔn ye ka cä caar aa yith. Ënɔɔnë wek bä bɛ lɛ̈k ka bï bɛ bɛ̈n, ka kɛ̈n keek kɔn nyooth ɣɔn.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 51:14

Kɔc cï ke mac abïï keek lony, abïk pïïr ë run juëc abïk kacaamkɛn kɔɔrkï aa yök ëbɛ̈n.

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Yith 62:11

Nɔn lɛ̈k ë Bɛ̈nydït piny nɔm ëbɛ̈n an, “lɛ̈kë kɔc ke Jeruthalem an Bɛ̈nydït abï we bɛ̈n kony, abïï kɔc cï luök bɛ̈ɛ̈i në yen ëtök.”

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Jeremia 31:11

Yɛn cï Yithriɛl gäm nɔm lääu, ku luäk keek në jur ril.

Jeremia 31:21

Loi kït, ku nyoth kueer, be kueer ë jël yïn kɔɔr. Bäkkï ciëën kɔc ke Yithriɛl, bäkkï baai, bäkkï ë wuötkuön cäk nyääŋ piny yiic.

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 50:8

“Kɔc ke Yithriɛl, katkï ë Babilonia! Nyääŋkï wut piny! Kankï kat tueŋ cï nyök bɔɔth!

Jeremia 51:45

Kɔc ke Yithriɛl, katkï ëtɛ̈ɛ̈n! Katkï bääkï wëikun, në agönhdiën tuc thok.

Jeremia 51:48

Ku këriëëc nu tënhial kekë piny ë bɛ̈n, abïk aa cööt në miɛtëpiɔ̈u, kööl bïï Babilonia lööny në kɔc bɔ̈ të lɔ rut cin, bïk bɛ̈n riɔ̈ɔ̈k.

Jeremia 51:6

Katkï ë Babilonia! Bääkï wëikun! Duökï röt tɔ näk në biäk de awäny de Babilonia. Yɛn guur rɔt ënɔɔnë, ku aluöi keek këtuc rɔ̈ŋ ke keek.

Dhek 10:8

Acï Bɛ̈nydït lueel an, “Yɛn bï kɔckï cɔɔl ku mat keyiic tëtök. Abä keek luäk bei ë yic, ku ta keek kɛɛr arëët cït man ɣɔn tueŋ.

Dhek 2:10

Ku lueel ë Bɛ̈nydït an, “Kiëtkï në miɛtëpiɔ̈u arëët, nyan de Dhiɔn. Yɛn bɔ̈ bä bɛ̈n rëër në weyiic!

Nyöŋ 30:4

Cak aa wek ë cï thiäi ë aguuk mec kë piny yiic. Bɛ̈nydït Nhialicdun abï week määtiic ku abï week bɛ̈ɛ̈i ciëën.

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 18:4

Guɔ röl däŋ ë raan piŋ, röl bɔ̈ paannhial, lueel en, an: “Bäkï bei thïn, wek kɔckï! Ke we cïï bï mat në yen ëtök në karɛcke, ke we bï liu ë kakɛn riäk en yiic!