Yith 48:18 - JAM DE NHIALIC 2011

¹⁸ “Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 48:18 ပူးပေါင်းရင်းမြစ်များ

Diɛt 119:165

Kɔc nhiaar löŋdu adekï nɔm lääu, ku acïn kë duëër keek tɔ wiɛ̈ɛ̈k.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Yith 33:21

Bɛ̈nydït abï wo nyuöth dhuëëŋde. Wok bï rëër në kiɛɛrdït ku nyïïn ke pïïu dït thook, ku abëël wïïr ke kɔc ke ater acïkï bï aa tem thïn.

Yith 42:24

Eeŋa ë gëm kɔc ke Yithriɛl cuɛ̈ɛ̈r ee kɔc rum? Aa ye Bɛ̈nydït guöpde, raan cuk luöi awäc! Wok kën rëër në kueer köör wook bïï wok rëër ku rïïuku wëët cï gäm wook.

Yith 45:8

Yɛn bï tiëm tuööc paannhial ke cït deŋ, ku piny abï rɔt liep ke loor nɔm ku abï jɔ luɔk në piathëpiɔ̈u ku yic. Yɛn Bɛ̈nydït, Yɛn bï piathëpiɔ̈u tɔ loi rɔt.”

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Yith 62:1

Yɛn bï jam ke ya dut Jeruthalem piɔ̈u, yɛn cïï bï mim agut të bän yen tïŋ ke cï kony, ku bï tiëmde riau cït many de kuthyui wakɔ̈u.

Yith 66:12

Aye Bɛ̈nydït lueel an, “Yïn bä yiën kuɛth cïï kɔ̈u bï tɛɛm, kajuëc ke juöör abïk wɛt tëde yïn cï pïïu ke kiir cie dëu. Yïn bï ciët mɛnh thiin ye boom në yeyɔu, ku ye luööi në nhiëër.

Ɣodh 10:12

Gɔ̈lkï röt duum ku cuömkï röt piathëpiɔ̈u, ke wek bï kakë nhiëër agɔk yök, ke cie luɔi rac. Në biäk ye kek akööl ke kɔ̈ɔ̈r kɔɔr ë Bɛ̈nydït, agut kööl bï Yen bɛ̈n, bï week bɛ̈n gäm athiɛɛi.

Amoth 5:24

Takï ŋiëc guiëër de löŋ tɔ wat cït man ë pïïu, ku takï piathëpiɔ̈u thiɔɔr cït man ë kiir.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Nyöŋ 32:29

Na ë ke pelnïïm adï cïk ee kënë yökic, adï cïk riääkdɛn ciëën takic!

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.