Yith 48:17 - JAM DE NHIALIC 2011

¹⁷ Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 48:17 ပူးပေါင်းရင်းမြစ်များ

Cäk 24:48

Aguɔ yamiɔl guöt piny, ku läŋ Bɛ̈nydït. Yɛn ë Bɛ̈nydït piɔɔny, Nhialic de bɛ̈nydiën Abraɣam. Raan cï ya caath ëgɔk, bïï yɛn tëde kɔc ke yï bɛ̈nydï. Të cän nyande bɛ̈n yök, bïï ya tiiŋ ë wën ë bɛ̈nydï.

1 Mel 8:36

ke Yï jɔ lɔ̈ŋden piŋ paannhial. Pälë melik awɛ̈ɛ̈c, ku kɔc ke Yithriɛl. Wɛ̈ɛ̈të ke bïk yic aa looi. Bɛ̈nydït, tuɔɔcë deŋ ee pinyduönë nɔm, piny cï gäm kɔcku ke ye këdɛn bï kek tɔ̈u thïn ananden.

Jop 36:22

Tak yï nɔm në riɛldïït ë Nhialic, Yen ee Bɛ̈nydïït ee kɔc wɛ̈ɛ̈t kedhie.

Diɛt 25:12

Raan ee Bɛ̈nydït riëëu, yen aye Bɛ̈nydït nyuöth kueer cï lɔc.

Diɛt 32:8

Acï Bɛ̈nydït lueel an, “Yïn bä wɛ̈ɛ̈t ku nyuöth yïn kueer bïï yïn lɔ thïn, yïn bä wat ku tiɛɛt yïn në kë bï yïn yök.

Diɛt 71:17

Yïn cï ya wɛ̈ɛ̈t ɣɔn ŋuɔɔt ɛn ke ya ye dhuk, ku yɛn ŋoot ke ya lueel kakuön ke gäi.

Diɛt 73:24

Yïn ee yɛn wat në wëëtdu, ku miäk wadäŋ Yïn bï yɛn loor nɔm në dhuëëŋ.

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Yith 28:9

Ayek kenïïm jääm në këdï. Luelkï an, “Eeŋö ye raanë tak kë wëët? Eeŋa kɔɔr jam lueel? Ee jam rɔ̈ŋ ke mïththii ë nyueth!

Yith 30:20

Bɛ̈nydït abï we tëëk në akööl ke nuan yic, ku Yen abï tɔ̈u ke week ke wɛ̈ɛ̈t week, ku acäkï bï aa kɔɔr ke liu.

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 43:14

Nhialic Ɣeric de Yithriɛl, Bɛ̈nydït ee we luök, aye lueel an, “Yɛn bï rem de tɔŋ bï lɔ thɔ̈ɔ̈r ke Babilon tooc, aguɔ we luök, Yɛn bï athïïn ke pänydït dhuɔŋ piny, ku kiɛɛu de kɔcke abï rɔt puk ke ye dhiëëu.

Yith 43:16

Ɣɔn thɛɛr Bɛ̈nydït acï kueer looi, kueer ee tëëk në wɛ̈ɛ̈ric, kueer ee tëëk në kuëër de pïïuwiic.

Yith 45:11

Bɛ̈nydït, Nhialic Ɣeric de Yithriɛl, aye raan ee yen ee kë wadäŋ thɔ̈ɔ̈ŋ lueel: “Yïn cïn nɔm yic bä ya thiëëc në biäk de mïthkï, ku nɔn lɛ̈k yïn ɛn kë bä looi.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 54:8

Yɛn cï rɔt rat wei në agɔ̈th në kaam thiin koor, ku yïn bä nyuöth nhiëërdï aɣet athɛɛr.” Yen kë cïï Bɛ̈nydït lueel ka raan ee yïn kony.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Jɔn 6:45

Ë gɔ̈ɔ̈r ë tït an, ‘Kɔc abïï ke wɛ̈ɛ̈t ë Nhialic kedhie.’ Ago raan ëbɛ̈n raan cï käŋ piŋ tëde Wääda, ku cï wëët, go bɛ̈n tëde yɛn.

Epethiei 4:21

të cä wek jamde piŋ, ku të cï we wɛ̈ɛ̈t në yen, në wëët yic nu ë Yecu yic:

Jocua 3:4

Abïk week nyuöth kueer, wek kën kɔn bɛ̈n eenë. Ku duökï ee ɣet në athänduŋ de mät lɔ̈ɔ̈m tëthiɔ̈k. Yak röt tɔ mec në yen, në kë cït agum (1,000) de akem, në yecök ciëën.”