Yith 47:6 - JAM DE NHIALIC 2011

⁶ Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 47:6 ပူးပေါင်းရင်းမြစ်များ

2 Tham 24:14

Go Debid lɛ̈k Gad an, “Yɛn tɔ̈u në riäŋdït yic! Ku acä kɔɔr bï mɛnh ë raan ya luöi këtuc. Tɔ Bɛ̈nydït lui wo këtuc guöpde, në biäk ee Bɛ̈nydït piɔ̈u kok.”

2 Lëk 10:11

Lɛ̈k ë keek an, “Wäär acï we gäm yiëth kathiek, ku abä keek tɔ thiëk awär këde wäär. Aa ye week dui ë wɛt, ke wek bä dui ë wan de jöŋgöör!”

2 Lëk 28:9

Ku ade tiët de Bɛ̈nydït ëtɛ̈ɛ̈n ë Thamaria cɔl Oded. Go bɛ̈n bei bïï bɛ̈n yök ke rem de tɔŋ de Yithriɛl ke ke muk kɔckɛn ke Juda cïk peec, ku të wën aa jɔkï lɔ Thamaria, go ë tiët lueel an, “Bɛ̈nydït Nhialic de kuarkun aa göth kekë Juda, yeka cä wek keek tiam, ku acï nääkdït cä wek keek nɔ̈k piŋ paannhial.

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

2 Lëk 36:20

Ku jɔt kɔc cï poth në abätäu thok leer keek Babilon, bïk yen lɔ luööi ke ke ye lïïmke ku lïïm ke käude agut cï bɛ̈n de Perthia nhial.

Edhr 5:12

Ku kë cïï kuarkuɔ Nhialic de paannhial tɔ göth, yen acïï keek bɛ̈n than ë Nebukadnedhar cin, raan ë jur cɔl Kaladayo, Melik de Babilonia, raan ee yen ë riäk luaŋdït ku peec kɔc leer ke Babilonia.

Diɛt 69:26

Ayek kɔc cï luöi këtuc yɔŋ, ayek jam në biäk bïï kek, kɔc cï yiëk gup bɔ̈ɔ̈t yɔŋ.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 13:16

Ku cuɛ̈ɛ̈në mïthkɛn kor kɔ̈ɔ̈th abïk thou ke ke daai, ku yak ɣöötken yiic ku wïïtë diäärken.”

Yith 14:17

Ee yen raan ɣɔn riäk pɛ̈ɛ̈nydït ku puk piny nɔm ke ye jɔ̈ɔ̈r? Ee yen raan ɣɔn kën kɔckɛn cï ke mac lony, ku kën keek tɔ lɔ wunden?”

Yith 14:6

kɔc ee kɔc yɔŋ në agɔ̈th ku cïkï yaaŋ de juöör cïk peec ee tɔ kääc.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Jeremia 50:42

Acïk dhɛ̈ŋken ku tɔɔŋken nööm, keek ayek juöör tuc piɔ̈ɔ̈th cïn kokdepiɔ̈u. Awuööuden acït awuööu de wɛ̈ɛ̈rdït, të cï kek kɛɛc ë jöŋgöör kɔ̈ɔ̈th. Acïk röt kiëët në tɔ bïk yiɛ̈n Babilonia.

Dhiëëu 1:14

“Acï karɛckï ŋic kedhie ku duut keek ëbɛ̈n tëtök. Ku nɔ̈ɔ̈k keek ë yayeth, aguɔ jɔ kɔ̈c në ɣɔ̈ɔ̈cden. Bɛ̈nydït acï yɛn gäm kɔc ke aterdï, ka yɛn cï nɔm ciën kony ë kenïïm.

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Dhiëëu 4:16

Bɛ̈nydït acïï be diɛɛr ë biäkden, yen guöp acï keek thiäi piny. Acïn riëëu kekë kokdepiɔ̈u ye nyuöth bänykuɔn ke kakë Nhialic ayï röördïtkuɔ.

Dhiëëu 5:12

Bänykuɔ acï ke jɔt ku nɔ̈k keek, ku röördïtkuɔ acïï keek ee riëëu gup.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 28:16

Yïn aa lui ke yï ɣöc ku ye käŋ ɣaac, ku kënë acï yïn thɛl në akuöörkuöör yic ku kërac. Guɔ yïn cuɔp wei bä kuurdiën ë Nhialic nyääŋ piny, go tunynhial ee yïn gël yïn cuat wei në kur ke mac lɔ̈m.

Obadaya 1:10

“Yïn bï yäär, ku yïn bï nyin riäär anandu, në luɔi wään cïn mïthëkɔckun rum, mïth ke Jakop, ku näk keek.

Obadaya 1:16

Kɔckï acïk këtuc thok thiëëp në kuurdiën ɣeric nɔm, në biäk cän ke luöi këtuc. Ku juöör kedhie abïk këtuc thiëëp, këtuuc wär ee kënë ë caŋɣɔn, në biäk cän keek kuum ayadäŋ. Abïk këtuc thiëëp ka abïk ciët ka kën kɔn tɔ̈u ë pinynɔm.

Dhek 1:12

Na wën, ke lueel ë tunynhial ë Bɛ̈nydït an, “Bɛ̈nydït de rɛm run acïk aa thiërdhorou ke yï göth wekë Jeruthalem, ku wuöt ke Juda. Bä piɔ̈u jɔ kok wekë keek nɛn?

Dhek 1:15

ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Nyöŋ 28:50

Jur bï we luöi ka tuc thook, ku acïn kokdepiɔ̈u bïk nyuöth raan ëbɛ̈n, mɛnh koor ayï raan dït.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.