Yith 47:15 - JAM DE NHIALIC 2011

¹⁵ Yen këpiɛth bïk luöi yïn ka ëbɛ̈n, kek kɔc ee kanhial kueen ee yïn jääm në pïïrdu yic ëbɛ̈n. Abïk yï nyääŋ piny kedhie ku kuanykï kueerden yic, ku acïn raan bï döŋ bï yïn kony.”

Yith 47:15 ပူးပေါင်းရင်းမြစ်များ

Yith 43:13

Yɛn ee Nhialic ku Yɛn täu anandï. Acïn kë duëër ban në riɛldï yic, ku acïn raan duëër kë cä looi waar.”

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Yith 5:29

Rem de tɔŋ ayek ŋäär cï kɔ̈ɔ̈r cï lɛ̈i nɔ̈k, ku mukkï ke cïn raan duëër ye bɛ̈ɛ̈i bei tëde keek.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.