Yith 47:14 - JAM DE NHIALIC 2011

¹⁴ “Abïk ciët nyïïn ke wal, ku abïï mac ke nyop! Acïkï röt bï lëu në kuny aya, lɔ̈k de mac abï tuöc arëët tëde keek, ku acïn kë thiin de mac bï ke tuööc gup.

Yith 47:14 ပူးပေါင်းရင်းမြစ်များ

Bɛ̈n 5:12

Ago kɔc thiëi Rip ëbɛ̈n lek anin kɔɔr.

Yith 10:17

Nhialic, ee ɣɛɛr de Yithriɛl, abï aa mac. Nhialic Ɣeric abï aa lɔ̈k de mac, abï këriëëc nyop ëbɛ̈n në kööl tök, ayï kuɔɔth ku thil.

Yith 30:14

Wek bï lɔ thorthor cït tööny ë tiɔp, ka bï ciɛ̈n abɔ̈ny thiin duëër ë atiap muk, ku nɔn gemë pïïu në awuölic.”

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 40:24

Acïtkï wal ë piac cil, cï tääu piny tei ke meiken ë ke tiëc biic. Të tooc ë Bɛ̈nydït yom, ayek guɔ riɛl, ku gɔp yom ke wei cït yäär.

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 44:16

Ee mac dɛ̈ɛ̈p në tiim kɔ̈k, ee rïŋ nyop ku ciëm ku jɔ kuɛth. Ee yeguöp tuööc ku jɔ lueel an, “Eeŋö jɔ yen moor apiɛth aya! Ee many ŋö ee këpiɛthë!”

Yith 5:24

Në biäk de ee kënë, wek bï määr cït man ë yuööt dɛ̈p, ku dhiap meikun, ku biɔɔr gaakdun ku gɔpë yom wei, në biäk cä wek löŋ de Bɛ̈nydït de rɛm cï Yen wo wɛ̈ɛ̈t rɛɛc, Nhialic Ɣeric de Yithriɛl.

Jeremia 51:30

Rem de tɔŋ ë Babilonia acïk thɔ̈ɔ̈r pɔ̈l, ku acïk nyuc ë kɛ̈lkɛn cï gël yiic. Ŋeenyden acï jäl ka acïk ciët diäär. Kɛ̈l ke pänydït acï keek dhuɔŋ piny, ku ɣɛɛk ë ɣööt në mac.

Jeremia 51:32

Kɔc ke ater acïk kiir tek wutic peec, ku acïk gëlgël ë pänydït ɣök mac. Ku rem de tɔŋ de Babilonia acïk riɔ̈ɔ̈c arëët.

Jeremia 51:58

Kɛ̈l ke Babilon dït abï keek thuöör piny, ku thook ke kɛ̈lkɛn bär abï keek nyuɔp piny. Luɔi de juöör acï aa ɣɔ̈ric ëbɛ̈n, këdɛn cïk looi acï guɔ lɔ nhial në lɔ̈k de mac. Acä lueel Yɛn Bɛ̈nydït de rɛm.”

Edhekiɛl 15:7

abä keek luöi këtuc. Acïk poth në many tök thok, ku ënɔɔnë abï mac ke nyuɔp piny. Të lan ke lɔ luöi këtuc abäk ŋic nɔn ee yɛn Bɛ̈nydït.

Jowɛl 2:5

Ku awuɔɔuden të kɛɛc kek kur nïïm, acït awuɔɔu de abëël ke tɔŋ, ayek teny cït many nyop wal ril. Ku yek röt kueer cï rem de tɔŋdïït cï rɔ kiëët, ë biäk de tɔŋ.

Obadaya 1:18

Kɔc ke Jakop abïk ciët mac, ku kɔc ke Jothep abïk ciët lɔ̈k ë mac, abïk kɔc ke Ethau riɔ̈ɔ̈k cït man ye mac miël ë rap nyop. Ka acïn kuat de Ethau bï nyin döŋ.

Naɣum 1:10

Na wek cak röt duut cït rɔŋ de kou, ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Nyuuth 18:21

Na wën, ke tunynhial ril aläl kuany kuur cït kuurdïït ee guär, deeny ë wɛ̈ɛ̈rdïtic, lueel, an, “Dhuur bï gök de pänydït Babilon dhuöör piny ë rup kï, ku cïï bï bɛ tïc ëliŋliŋ.