Yith 47:11 - JAM DE NHIALIC 2011

¹¹ Riääk abï lööny ë yïguöp, ku acïn yanhduön tök bï ee riäŋë tɔ kääc. Riääk abï yï lɔ̈ny ëthiäu, riäŋ kën yïn kɔn nyuöth ë caŋɣɔn!

Yith 47:11 ပူးပေါင်းရင်းမြစ်များ

Neɣe 4:11

Ku kɔc ke aterda acïk cät an cuku keek bï yiɛ̈n tïŋ ku nɔn cuku kë loi rɔt bï ŋic, agut të bï wok röt yök në ke yiic, ku näkkï wook ku tɔkï luɔida kääc.

Diɛt 35:8

Tɔ ke mook ë riääk ëthiäu ke kuckï, tɔ ke dɔm ë wïïnkɛn ke dɛ̈p, ku tɔ ke wiɛ̈ɛ̈k në puölken yiic ku thoukï!

Diɛt 50:22

“Piɛŋkï kënë, wek kɔc ee nïïm määr në Nhialic, ke we cä bï riɔ̈ɔ̈k, ku acïn raan bï we luök.

Diɛt 55:15

Tɔ thuɔɔu jɔt kɔc ke aterdï ëthiäu, tɔ ke lɔ piny paan ë thuɔɔu ke ke pïïr, tɔ ke lɔ ë rɛ̈ŋken yiic në riɔ̈ɔ̈c!

Diɛt 73:19

Abï keek guɔ riɔ̈ɔ̈k ëthiäu, ku lekkï piny tëde kɔc cï thou.

Kɛ̈ŋ 13:21

Kɔc ee karɛc looi aye riääk ke cop cök, ku ye athiɛɛi ariöp de kɔc piɛthpiɔ̈ɔ̈th.

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 29:5

Jeruthalem, juöör alɛi cï yïn mak ëbɛ̈n, abïï ke kuɔɔth wei cït man ë abuui, ku remdɛn ë tɔŋ cï riɔ̈ɔ̈c abïk wɛɛr cï wal ë gɔp yom. Ë thiäu ke kuckï

Yith 30:13

Wek de gup awäc. Wek cït päny bäär cï kɔ̈u ɣaar nhial bïï piny, wek bï wïïk ëthiäu.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Yith 47:9

Ku në kaam koor në kööl tök yic, kakë kaarou abïk tuöl. Cakaa nɔn ye yïn lui në yiëth yïn bï nɔm ciën moc ku mïth.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Jeremia 51:29

Piny alɛthï, ku ee rɔt nieeŋ në biäk looi ë Bɛ̈nydït guiɛɛrde, në baŋ bï yen Babilonia tɔ ee jɔ̈ɔ̈r, të cïn raan bï ceŋ thïn.

Jeremia 51:43

Wuöt acïk aa kak ee kɔc gäm riɔ̈ɔ̈cdït të tïŋ ë keek, ku acïk ciët jɔ̈ɔ̈r cïn yic pïïu, të cïn raan ee ceŋ thïn, ku cïn mɛnh ë raan ee tëëk thïn.

Jeremia 51:8

Babilonia ë guɔ wïïk ëthiäu, ku acï riɔ̈ɔ̈k! Dhiëëukï Babilon! Lak käärkï tëtöökke wal ë baam, tɛk däŋ bïk dem.

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Math 18:34

Go bɛ̈nyde gɔ̈th, ku gëm kɔc ë kɔc leeŋ wëi, aɣët të bï en käŋ cool kedhie, ka kɛ̈ɛ̈ny tëde yen.”

Luk 12:59

Yïn yɔ̈ɔ̈k an, yïn cïï bï bɛ̈n bei, të ŋoot yïn ke yï kën käŋ cool kedhie, ayï miliim.”

Luk 17:27

Aake ye cam, ku yek dek, ku yek thiëëk, ku yeke thiaak, aɣet kööl ɣɔn le Nowa ë abëlic, ku jɔ amool bɛ̈n, bï ku nɛ̈k keek kedhie.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.