Yith 47:10 - JAM DE NHIALIC 2011

¹⁰ “Yïn cï rɔt ŋic apiɛth në karɛckuön ye looi yiic, aye tak nɔn cïn en raan duëër yï tïŋ. Pɛlënɔmdu, ku ŋïnyduön de käŋ acïk yïn mɔ̈ɔ̈r, ku ja jɔ aa lɛ̈k rɔt an, ‘Yɛn ee Nhialic, acïn raan däŋ pei cït ɛn.’

Yith 47:10 ပူးပေါင်းရင်းမြစ်များ

Diɛt 10:11

Ago kɔc rac röt aa yöök an, “Nhialic ë nɔm määr! Ë yenyin kum ka acïï wo bï bɛ tïŋ ë caaŋde!”

Diɛt 52:7

“Tiëŋkï raan kï raan cïï rɔt ee kan ë Nhialic bïï ya konyde, ku ee wëukɛn juëc ŋɔ̈ɔ̈th, ku ye rɔt tiit në kërɛɛc ye looi.”

Diɛt 64:5

Ayek röt coc në kïït de kërac, ayek jam në baŋ bïï kek wïn ë dɛ̈p thiaan piny, ayek lueel an, “Cïn raan bï keek tïŋ.”

Wɛ̈ɛ̈t 8:8

Acïn raan de riɛl bï yen wëike gël, ku raan acïn nɔm riɛl bï yen kööl ë thuɔɔu pëën. Ee tɔŋ cïn raan duëër poth thïn. Ayï luɔɔi rac aya, acïï wärken duëër kony.

Yith 28:15

Wek jam ke we ɣɛ̈ɛ̈c wenïïm an, “Wok cï löŋ mac në thuɔɔu ku loiku amat në paan ë thuɔɔu. Të le riääk bɛ̈n, acäk ŋic nɔn cïï yen we bï yök, në luɔi cä wek röt kan në tör ë wël ku mɛth ke bï we gël.

Yith 29:15

Amawoou në kɔc ee kïïtden thiaan në Bɛ̈nydït! Ayek kïïtden looi ë mɔ̈ɔ̈thic, ku yek tak an cïn raan bï ke tïŋ ku nɔn ŋic kë loikï.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Yith 5:21

Amawoou në week! Kɔc ee röt tïŋ cï ka ŋic käŋ ku pɛlkï nïïm.

Yith 59:4

Wek ee lɔ në löŋ nɔm, ku acïn yic kääc në biäkdun. Wek ee rɔt kan në jam de lueth bä wek göönydun tiaam. Wek ee kïïtduön guiir bä wek kɔc kɔ̈k yiëk buɔ̈t.

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Edhekiɛl 8:12

Go Nhialic a thiëëc an, “Mɛnh ë raan cï kë cï röördït ke baai de Yithriɛl looi ë cuëër tïŋ? Keek alɛ̈mkï kedhie ɣön cï thiäŋ kekë yiëth. Kë ye kek röt dam kï: ‘Bɛ̈nydït acïï wook woi! Acï piny nyääŋ piny.’ ”

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Romai 1:22

Aake ye röt tɔ ye kɔc pelnïïm, ku acïk aa kɔc piɔlpiɔ̈ɔ̈th,

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,